Kwamamaza

U Bubiligi: Abakinnyi b’Abanyarwanda bitwaye neza mu bihe bitandukanye bazahembwa

Yanditswe kuya 30-10-2016 saa 20:30' na Karirima A. Ngarambe


Abakinnyi n’abatoza b’Abanyarwanda bitwaye neza mu bihe bitandukanye bazashimirwa mu birori bizabera mu Mujyi wa Bruxelles mu mugoroba w’ubusabane witiriwe Rayon Sports.

Ibi birori byiswe Rayon Sports Gala Night bizaba kuwa 12 Ugushyingo 2016 bigamije kwishimira igikombe cy’Amahoro Rayon Sports iherutse kwegukana itsinze APR FC igitego kimwe ku busa.

Byateguwe n’Ishyirahamwe ry’abafana ba Rayon Sports riba i Burayi, Rayon Sports Europe. Umuyobozi waryo, Jean Pierre Rugero yatangarije IGIHE ko kuri uyu mugoroba bazakora igikorwa cy’amateka cyo guhemba abateje imbere umupira w’amaguru mu Rwanda.

Ati "Bwa mbere mu mateka y’ishyirahamwe ryacu mu Burayi tuzanashimira ku mugaragaro bamwe mu bakinnyi bitwaye neza mu bihe bitandukanye mu mupira w’amaguru mu Rwanda mu bihe byashize mu rwego rwo gukomeza guha urubyiruko urugero rwiza mu mikino iyo ariyo yose no mu bindi bikorwa birwubaka."

Abazahembwa ni umukinnyi wa Rayons Sports wabigize umwuga witwaye neza ntanahindure ikipe ; Umutoza w’umupira w’amaguru wa mbere watangiye uwo mwuga agateza imbere urubyiruko ; umutegarugori waharaniye bidasubirwaho iterambere ry’umupira w’amaguru ; Perezida muto w’ikipe ; Umukinnyi wabimburiye abandi mu gutsinda igitego kuri Stade Amahoro ; abafana ba mbere bigaragaje mu mateka ya Rayon Sports na Kiyovu Sports.

Hazanahembwa kandi umukinnyi w’umunyarwanda wabimburiye abandi kuba umunyamwuga ajya gukina mu mahanga.

Iki gikorwa kizarangwa no gusabana aho abahoze bakina muri Rayon Sports bazakina n’abakanyujijeho muri Kivovu Sports mu mukino uzabera kuri Rue des Chalets i Bruxelles [Rude des Chalets 1-1082 Berchem Sainte Agathe (Bruxelles)].

Gutanga ibihembo bizabera ahitwa La Bodega mu Mujyi wa Bruxelles mu Bubiligi.

Inkuru bifitanye isano: U Bubiligi: Rayon Sports igiye kumurikira abakunzi bayo igikombe iheruka kwegukana

Jean Pierre Rugero uyobora Rayon Sports Europe

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved