Kwamamaza

Twizerimana Onesme yagaragaje itandukaniro rya AS Kigali na APR FC

Yanditswe kuya 5-10-2016 saa 20:55' na Manzi Rema Jules


Rutahizamu wa APR FC, Twizerimana Onesme wahoze akinira AS Kigali yatangaje ko nubwo ikipe yahozemo ayubaha ku byo yamugejejeho ariko itandukanye cyane n’iyo yagiyemo kuko imwe iba ishaka ibikombe mu gihe indi yo itaragera ku rwego rwabyo.

Mu mwaka ushize Twizerimana wakinaga kenshi asimbuye Sugira Ernest, yatsindiye AS Kigali ibitego 11 muri shampiyona byanatumye APR FC ihita imugura ndetse akaba ariwe witezweho gufasha iyi kipe y’Ingabo z’Igihugu kwisubiza igikombe cya shampiyona ayishakira ibitego.

Twizerimana watsinze igitego kimwe rukumbi ku mukino wa nyuma w’irushanwa ryari ryateguwe na AS Kigali, APR FC ikina na AS Vita Club ikegukana igikombe, yatangaje ko abona ikipe yabo yiteguye neza kandi igomba kongera kwisubiza igikombe imaze gutwara inshuro eshatu yikurikiranya.

Ati “Bizaba bigoye kuko amakipe yose arakomeye ariko APR FC isobanukiwe no gutwara ibikombe kandi ibifitiye n’ubushobozi.Ndi hano kugira ngo nanjye ntange imbaraga zanjye.Sinjye uzaheka ikipe nk’uko benshi babivuga ahubwo tuzakorera hamwe na bagenzi banjye.”

Uyu mukinnyi wazamukiye muri Sorwathe FC yo mu cyiciro cya kabiri, yavuze ko AS Kigali yahozemo ari ikipe nziza, ndetse yiyubatse ku buryo ishobora kuzatanga akazi gakomeye ariko ngo APR FC yo yasanze itandukanye cyane kuko ifite umuco wo guhanganira ibikombe mu gihe indi yo icyishakisha muri urwo rugamba.

Ati “Ikigaragara AS Kigali navuyemo ni ikipe ifite ishyaka ariko APR FC yo ni imenyereye gutwara ibikombe, ikoresha uko ishoboye kose ngo ibone intsinzi.”

APR FC ikomeje imyitozo mu gihe hasigaye iminsi 9 gusa kugira ngo shampiyona itangire. Umukino wa mbere izawukina n’Amagaju tariki 16 Ukwakira kuri stade ya Kigali.

Gahunda yose y’imikino APR FC izakina mu gace kabanza muri Shampiyona ya 2016-2017:

- 16/10/2016 (APR FC vs Amagaju) Stade ya Kigali 15:30
- 23/10/2016 (Gicumbi vs APR FC) Stade ya Gicumbi 15:30
- 28/10/2016 (APR FC vs Mukura) Stade ya Kigali 18:00
- 05/11/2016 (Musanze vs APR FC)Stade Nyakinama 15:30
- 20/11/2016 (APR FC vs Kirehe) Stade ya Kigali 15:30
- 26/11/2016 (Pepiniere vs APR FC) Stade ya Kicukiro 15:30
- 02/12/2016 (APR FCvs Etincelles) Stade ya Kigali 15:30
- 11/12/2016 (APR FC vs Sunrise) Stade ya Kigali 15:30
- 18/12/2016 (Kiyovu vs APR FC) stade ya Kigali 15:30
- 23/12/2016 (APR FC vs Police) Stade ya Kigali 15:30
- 31/12/2016 (Espoir vs APR FC) Stade ya Rusizi 15:30
- 07/1/2017 (APR FC vs As Kigali) Stade ya Kigali 15:30
- 13/1/2017 (Marines vs APR FC) Stade Umuganda 15:30
- 21/1/2017 (APR FC vs Rayon Sports) Stade Amahoro 15:30
- 29/1/2017 (Bugesera vs APR FC) Stade ya Bugesera 15:30

Onesme Twizerimana asanga yaragiye mu ikipe itwara ibikombe kandi nawe arashaka gukomerezaho
Twizerimana(wambaye nimero icyenda) asanga gukorera hamwe nk'ikipe bizabafasha kugera kuri byinshi
Abakinnyi ba APR FC mu myitozo
Michel Rusheshangoga (iburyo) na Bizimana Djihad mu myitozo
Mwiseneza Djamal nawe yari ku kibuga areba bagenzi be bakora imyitozo
Umutoza wa APR FC wungirije, Rwasamanzi Yves (uwa kabiri ibumoso) akoresha imyitozo
Emery Mvuyekure(ibumoso) na Hakizimana Muhadjiri bamaze iminsi badakora imyitozo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved