Kwamamaza

Thierry Henry yagizwe umutoza wungirije w’Ikipe y’Igihugu y’u Bubiligi

Yanditswe kuya 26-08-2016 saa 13:40' na IGIHE


Umufaransa w’imyaka 39, Thierry Henry, wamamaye mu ikipe ya Arsenal yagizwe umutoza wa kabiri wungirije mu ikipe y’u Bubiligi, itozwa na Roberto Martinez.

Thierry wakiniye amakipe arimo Arsenal na Barcelona yahawe inshingano zo kungiriza Roberto Martinez, wasimbuye Marc Wilmots wirukanywe mu ntangiriro za Kanama uyu mwaka nyuma yo gutsindwa na Wales muri 1/4 cy’imikino ya Euro 2016, ibitego 3-1 .

Martinez yatangaje ko yishimiye gukorana na Thierry. Ati " Thierry ni umuntu ukomeye, uzahindura byinshi ndetse gukorana nawe ni iby’agaciro."

Thierry Henry abinyujije ku rubuga rwa Twitter yagize ati " Nishimiye kuba umutoza wungirije mu ikipe y’u Bubiligi. Nshimiye umutoza Roberto Martinez ndetse n’Ishyirahamwe ry’Umupira w’amaguru mu Bubiligi icyizere bangiriye."

Henry azakorana na Graeme Jones, wamenyekanye cyane yungirije Martinez mu makipe atandukanye arimo Swansea, Wigan ndetse na Everton yo mu Bwongereza.

Thierry Henry, yari amaze igihe kirekire atoza ikipe ya Arsenal y’abana, imirimo yaje kuvaho nyuma y’uko umutoza Arsene Wenger amubwiye ko adashobora gufatanya akazi ko gutoza no kuba umusesenguzi kuri televiziyo ya Sky Sports.

Henry yatwaye igikombe cy’Isi mu 1998, ndetse atwara na Euro mu 2000 ari kumwe n’u Bufaransa.

Thierry Henry yagizwe umutoza wungirije mu ikipe y’u Bubiligi
Umutoza Roberto Martinez yishimiye gukorana n’Umufaransa, Thierry Henry

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved