Kwamamaza

Sunrise FC mu myiteguro idasanzwe yo kwihimura kuri Rayon Sports

Yanditswe kuya 11-11-2016 saa 07:59' na Manzi Rema Jules


Ubuyobozi bw’Ikipe ya Sunrise FC buratangaza ko imyiteguro bakoze ku mikino ya shampiyona yabanje, yamaze guhinduka ku buryo bari mu idasanzwe bategura neza umukino wa Rayon Sports uzaba mpera z’icyumweru gitaha.

Nyuma y’umunsi wa kane, Shampiyona y’icyiciro cya mbere mu Rwanda yarahagaze kubera akaruhuko mpuzamahanga ikazongera gusubukurwa tariki 18 Ugushyingo 2016, umukino w’aya makipe wo ukazakinwa ku wa gatandatu tariki 19 Ugushyingo.

Kuri uwo munsi wa gatanu wa shampiyona, umukino utegerejwe cyane ni uzahuza amakipe abiri anganya amanota ku rutonde rw’agateganyo, Rayon Sports ya mbere izaba yasuye Sunrise FC zinganya amanota 10, zigatandukanywa n’ibitego bitatu.

Aya makipe yombi asangiye kuba ataratsindwa umukino n’umwe kuva shampiyona yatangira, yatsinze imikino itatu anganya umwe.

Ku ruhande rwa Sunrise FC isa n’iyatangiye gutanga ubutumwa ku makipe akomeye ko nayo uyu mwaka ifite intego yo kwegukana igikombe, ubuyobozi bwayo buratangaza ko bwafashe uyu mukino nk’udasanzwe ndetse ngo n’uburyo uri gutegurwa butandukanye n’indi yabanje.

Perezida wayo Ndungutse Bosco, aganira na IGIHE yagize ati “Uyu ni umukino turi gutegura ku buryo butandukanye n’indi yose twakinnye. Rayon Sports ni ikipe ikomeye, itaratsindwa na rimwe kimwe natwe, turashaka kuyikuraho ako gahigo.”

“Nka komite, turi gukora ibyo dusabwa birimo guhemba abakinnyi ndetse dushobora kuganira ku gahimbazamusyi baramutse batsinze kakiyongera ku buryo bazajya mu kibuga bishimye kandi bagakorana ishyaka nk’abafite intego.”

Uyu muyobozi avuga ko Sunrise FC nubwo iri kwitwara neza abona nta nzitizi zizababuza gukomeza, kuko batarahindura intego batangiranye zo kurangiza mu makipe ane ya mbere kandi ko ayandi arangaye gato n’igikombe bagitwara dore ko babifitiye ubushobozi.

Mu mukino uheruka guhuza aya makipe yombi mu irushanwa ryabanjirije shampiyona rya “AS Kigali Pre-Season Tournament”, Rayon Sports yari yanyagiye Sunrise FC ibitego 4-0, harimo bibiri bya Moussa Camara na Kwizera Pierrot, dore ko banigaragaje ku mukino bahuruka gutsindamo Marines 3-0 byose by’aba bakinnyi bombi.

Sunrise iri gukina umwaka wa mbere nyuma yo kuva mu maboko y’i Ntara y’u Burasirazuba igahabwa Akarere ka Nyagatare, ni imwe mu makipe azakoresha amafaranga menshi kuko yateganyije ingengo y’imari ya miliyoni 325 y’amafaranga y’u Rwanda muri uyu mwaka.

Nyuma yo kunganya na Pepinieres FC igitego 1-1 ku mukino uheruka, Sunrise FC yahise itanga ikiruhuko ku bakinnyi bakaba basubukuye imyitozo kuri uyu wa Kane.

Sunrise FC ivuga ko yiteguye bidasanzwe umukino uzayihuza na Rayon Sports
Mu mukino wahuje izi kipe mbere ya shampiyona, Rayon Sports yanyagiye Sunrise FC ibitego 4-0
Sunrise Fc irashaka kwihimura kuri Rayon Sports ikisubiza umwanya wa mbere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved