Kwamamaza

Sugira Ernest yatowe nk’umukinnyi mwiza w’ukwezi muri AS Vita Club

Yanditswe kuya 18-10-2016 saa 09:49' na Manzi Rema Jules


Nyuma y’imikino ine amaze gukinira AS Vita Club muri shampiyona akayitsindira ibitego bitatu, rutahizamu w’Umunyarwanda Sugira Ernest, yatowe n’abafana b’iyi kipe yo muri Congo Kinshasa, nk’umukinnnyi wahize abandi muri Nzeri.

Iki gihembo Sugira yegukanye aragishyikirizwa kuri uyu wa kabiri.

Uyu mukinnnyi werekeje muri AS Vita Club ku kayabo ka miliyoni 102 z’amafaranga y’u Rwanda avuye muri AS Kigali, yatangiye gutanga umusaruro ikipe ye imutegerejeho, kuko mu mikino ine amaze gukina yatsinze ibitego bitatu harimo ibyagiye bitanga amanota atatu, nko ku mikino ya AS Dragons na Rojulo FC yose batsinze ku gitego 1-0.

Uku kwitwara neza byatumye Sugira yigarurira imitima y’abafana b’iyi kipe, maze nabo mu gutora umukinnnyi w’ukwezi bamuhitamo ku majwi 222 kuri 485 angana na 46.19%.

Nyuma y’uko yari amaze gutsinda igitego kimwe rukumbi cyabonetse ku mukino wa gatatu batsinda 1-0 Rojulo FC, yabwiye IGIHE ko nubwo akomeje kwitwara neza agifite byinshi byo gukora kugira ngo afashe ikipe ye aho imutegereje hose.

Ati “Nibyo ndimo gukora cyane kuko abafana ni ibitego banyitezeho nta kindi. Gusa nabanza mu kibuga cyangwa nkinjira nsimbuye ntacyo bintwaye, icya mbere ni uko nkora ibyo umutoza ansabye. Birumvikana nta mwanya wo kwicara, ngomba gukoresha imbaraga zose kugira ngo mfate umwanya uhoraho kandi nkomeze gutsinda kuko nicyo cyanzanye.”

Nyuma y’imikino ine ya shampiyona muri gace k’u Burengerazuba, AS Vita Club iri ku mwanya wa kabiri n’amanota 10 inganya na Renaissance ya mbere, igakurikirwa na DCMP ya Davis Kasirye na Ismaila Diarra bahoze bakinira Rayon Sports.

Kuri uyu wa Gatatu tariki 19 Ukwakira 2016, AS Vita Club izagaruka mu kibuga ku mukino w’umunsi wa gatanu wa shampiyona ihanganye na AS Veti Club mu gihe tariki 30 izakina na DCMP mu mukino w’ishiraniro.

Sugira amaze gutsindira AS Vita Club ibitego bitatu mu mikino ine amaze kuyikinira
Kwitwara neza byatumye Sugira agirwa umukinnyi mwiza w'ukwezi kwa cyenda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved