00:00:00 IGIHE NETWORK KN KINYARWANDA EN ENGLISH FR FRANCAIS

Steven Gerrard yagizwe Umutoza wa Aston Villa

Yanditswe na Umwali Zhuri
Kuya 11 Ugushyingo 2021 saa 01:01
Yasuwe :
0 0

Aston Villa yemeje Steven Gerrard wanditse amateka akomeye muri Liverpool nk’umutoza wayo mukuru nyuma y’iminsi mike yirukanye Dean Smith.

Gerrard w’imyaka 41 yari umutoza wa Rangers yo muri Ecosse yanagiriyemo ibihe byiza akegukana igikombe giheruka cya Shampiyona.

Inshingano zikomeye uyu mugabo afite ni ugukura Aston Villa mu makipe ari inyuma kuko ubu iri ku mwanya wa 16.

Rangers yavuyemo yishyuwe miliyoni 2,5 £ kugira ngo yemere kumurekura. Yari yarayigezemo mu 2018.

Steven Gerrard yamamaye cyane akinira ikipe ya Liverpool yo mu Bwongereza. Yayikiniye imikino 710, atwarana na yo ibikombe icyenda. Yayibereye Kapiteni kuva mu 2003 ubwo yasimburaga Sami Hyypiä. Ni yo kipe yakiniye igihe kirekire nk’uwabigize umwuga, yakinnye umukino wa mbere mu 1998 ihura na Blackburn Rovers.

Nyuma yo gusezera yamaze umwaka umwe muri LA Galaxy yo muri Major League Soccer mu 2015 mbere yo guhagarika gukina mu 2016.

Uyu munyabigwi yatoje Ikipe y’Abato ya Liverpool mbere yo guhabwa iy’Abatarengeje imyaka 18 mu mwaka wa 2017-18.

Ni Umwongereza wa Kane wahamagawe inshuro nyinshi mu Ikipe y’Igihugu [izigera ku 114], atsinda ibitego 21.

Steven Gerrard yasubiye muri Premier League nk'umutoza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .