00:00:00 IGIHE NETWORK KN KINYARWANDA EN ENGLISH FR FRANCAIS

StarTimes yagabanyije ibiciro bya Dekoderi iyigeza ku 3000 Frw

Yanditswe na Habimana Sadi
Kuya 9 Kamena 2021 saa 04:44
Yasuwe :
0 0

Mu gihe habura iminsi ibiri gusa ngo hatangire irushanwa rya Euro 2020, Abakiliya ba StarTimes bashyizwe igorora bagabanyirizwa ibiciro bya Dekoderi, kugera aho yashyizwe ku mafaranga y’u Rwanda ibihumbi bitatu.

Mu rwego rwo gukomeza kunezeza abakiliya babagana, Ubuyobozi bwa StarTimes bwakubise hasi ibiciro ku bicuruzwa by’iyi kompanyi, buhereye kuri Dekoderi.

Uretse ibi kandi, abagana StarTimes bose bazakurikirana irushanwa rya Euro 2020 iteganyijwe gutangira mu minsi ibiri iri imbere.

StarTimes yagaragaje gahunda ikurikira mu rwego rwo kurushaho kuba hafi y’abakiliya babagana:

Kuri Dekoderi ya DTT (imwe ikoresha antene y’udushami) abakiliya ba StarTimes bazareba imikino baguze ifatabuguzi rya Basic bouquet bishyuye yonyine ku 6000 Frw ku kwezi, kandi banahabwe amahirwe yo kureba imikino baguze ifatabuguzi rya Classic Bouquet ku 8000 Frw yonyine.

Kuri Dekoderi ya DTH (ikoresha igisahane cyangwa Dish), ho noneho ni akarusho kuko ibiciro byashyizwe hasi cyane.

Ni ku nshuro ya mbere mu mateka y’u Rwanda, Dekoderi ya StarTimes ya DTH HD igura amafaranga 3000 Frw. Ibi ni mu rwego rwo gufasha umuryango gutunga televiziyo kandi abawugize bakabasha kureba ibiganiro bicaho badahenzwe ndetse bakabisangiza n’abandi.

Abakiliya ba StarTimes bashobora kureba amashene yose mu gihe baba baguze ifatabuguzi rya Super Bouquet bakihahira ku giciro cyagabanyijweho 20%.

Abakoresha Dekoderi za StarTimes zo mu bwoko bwa DTH HD bashobora guhitamo kugura ifatabuguzi rya buri kwezi, buri cyumweru cyangwa buri munsi. Ku munsi bashobora kwishyura amafaranga 850 Frw, cyangwa bakishyura amafaranga 2850 Frw ku cyumweru, cyangwa bakishyura amafaranga 8500 Frw ku kwezi.

Kuri Porogaramu yitwa ‘StarTimes ON streaming app’ Imikino ya Euro 2020 izacaho:

Application ya StarTimes ON streaming app izafasha abantu kureba imikino ya Euro 2020, abazayikoresha bakazaba bashobora kureba iyo mikino mu mashusho agaragara mu buryo busanzwe (Standard Definition - SD), mu buryo bwisumbuyeho (High Definition - HD), cyangwa mu buryo bw’agahebuzo (Ultra High Definition - UHD).

Umuntu uguze ifatabuguzi rya StarTimes, ahabwa ubushobozi bwo gukoresha porogaramu ya StarTimes ON VIP akanabasha no kuyisangiza abandi bantu 3. Ibi bivuze ko umuntu umwe uguze ifatabuguzi ashobora gufasha abandi bantu batatu bakareba imikino bayireba mu buryo butandukanye.

Abandi bakoresha uburyo bwa StarTimes ON bashobora kugura ifatabuguzi ryaba iry’ukwezi, icyumweru, cyangwa umunsi umwe bishyuye guhera ku mafaranga 700 ku munsi.

Ubu buryo butandukanye burafasha abafana kudacikwa n’imikino ya Euro 2020, dore ko baba bamaze igihe kirekire bayitegereje, StarTimes rero ikaba yabashyiriyeho ubuyo bwose bwo kuyireba neza kuruta ikindi gihe cyose bayirebye.

Hari amashene mashya yo mu gihugu imbere agaragara kuri Dekoderi za DTH.

Akandi gashya ni uko ubu StarTimes yabazaniye amashene menshi y’imbere mu gihugu ugereranyije n’ayari asanzwe agaragara kuri Dekoderi ya DTH.

Nyuma yo kubereka amashene ya RTV, TV1, TV10 na BTN , ubu noneho StarTimes yongeyeho andi mashene menshi y’imbere mu gihugu kugira ngo barusheho kuryoherwa. Amashene y’imbere mu gihugu yiyongereyeho, ni ISIBO Tv, Isango Tv, Authentic Tv, Flash Tv na KC2.

Ubu kuri Dekoderi ya DTH ushobora kureba amashene icyenda yo mu Rwanda.

Andi mashene y’imbere mu gihugu na yo aziyongeraho mu bihe bidatinze arimo nka PRIME TV n’andi atandukanye.

Kuri Dekoderi ya DTT (imwe ikoresha antene y’udushami)

"Hongeyeho Shene ya BTV yerekana Filime zashyizwe mu rurimi rw’Ikinyarwanda (dubbed movies), tukaba dushishikariza n’abandi bafite ubushobozi kuza tugafatanya gukora filime nyinshi zashyizwe mu Kinyarwanda ariko tukanakora n’ibindi by’umwimerere byo kwereka abadukurikira."

Vlady Terimbere ushinzwe itumanaho n’iyamamaza bikorwa muri StarTimes, yavuze ko bishimiye ko bari mu bazerekana imikino ya Euro 2021.

Ati “Tunejejwe no kwerekana imikino ya Euro 2020. Twizeye ko irushanwa rizagenda neza hamwe n’abakinnyi beza n’amakipe yitabiriye. Abafana b’Abanyafurika byabasabaga kwishyura amafaranga menshi ngo babashe gukurikirana amarushanwa akomeye mu gihe gishize. Ntabwo byari byiza.”

“Muri Afurika, umupira w’amaguru ushobora kugera kuri buri wese. Iki nicyo StarTimes ikomeje gushakira igisubizo, ko kuri buri munya-Afurika ukunda umupira w’amaguru ashobora kuryoherwa na Euro 2020.”

Dekoderi za StarTimes ku nshuro ya mbere zashyizwe ku 3000 Frw
Sarah niwe ushinzwe ibikorwa muri StarTimes
Terimbere Vlady niwe ushinzwe Itumanaho n’Iyamamaza bikorwa muri StarTimes

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .