Kwamamaza

Kanyankore yazinutswe itangazamakuru

Yanditswe kuya 22-09-2016 saa 08:56' na Manzi Rema Jules


Kanyankore Gilbert Yaoundé uherutse gusezererwa na APR FC nyuma y’igihe gito ahawe inshingano zo kuyitoza, yatangaje ko adashaka kongera guhura n’itangazamakuru, mbere y’uko abona indi kipe cyangwa agatangiza imishinga yihariye yo guteza imbere umupira w’amaguru.

Kuva yakwirukanwa muri APR FC amaze ukwezi kumwe yemejwe nk’umutoza mukuru ntarongera kugaragara mu ruhame ndetse ngo ntabwo ateganya kongera kwigaragaza vuba ahubwo ngo yibera mu rugo iwe aho yirirwa asoma ibitabo kuva mu gitondo kugera izuba rirenze.

Tariki 7 Nzeli 2016 nibwo Ubuyobozi bwa APR FC bwatangaje ko butandukanye na Kanyankore Gilbert Yaoundé wari umaze ukwezi kumwe atangajwe nk’umutoza mukuru mu gihe cy’umwaka azize kuba ataritwaye neza mu mikino ya gisirikare yabereye mu Rwanda muri Kanama uyu mwaka.

Ubuyobozi bw’Ikipe y’Ingabo z’Igihugu, bwatangaje ko uyu mugabo watoje amakipe nka Kiyovu Sports na Rayon Sports yirukanywe nyuma yo gutsindwa igerageza yakoraga.

Kuva yasezererwa, uyu mugabo w’imyaka 62 ntarongera kugaragara mu bikorwa byose by’umupira w’amaguru.

Mu kiganiro cyihariye, Kanyankore yagiranye na IGIHE yavuze ko adashaka kugira aho ahurira n’itangazamakuru kuko azi neza ko nta mahoro ryamuha ndete bakamubaza n’ibibazo bidashira.

Ati “Ubu nibereye mu rugo iwanjye nta kintu ndimo gukora, gusa mfata igihe cyanjye nisomera ibitabo. Birumvikana ubu abantu bibaza byinshi kuri biriya byabaye ariko nahisemo guceceka. Kuba ntagaragara ku bibuga n’ahandi ni uko ntashaka guhura n’itangazamakuru, ibibazo byabo ntibirangira kandi bigira ingaruka.”

Kanyankore afite ubunararibonye mu mupira w’amaguru, kuko amaze hafi imyaka 30 atoza amakipe akomeye yo ku rwego rwo hejuru yavuze ko azongera kugaragara ari uko yabonye ikipe yindi atoza ariko akaba arimo no gutekereza ku buryo yafungura ishuri ryigisha abatoza.

Kanyankore avuga ko kuba mu myaka amaze atoza yaragiye akorana n’amakipe akomeye haba mu Rwanda no mu Burundi bitavuze ko niyo yabona ikipe ikizamuka mu cyiciro cya mbere byamubuza kuyijyamo.

Kanyankore ngo ntashaka kongera guhura n'itangazamakuru ritamuhata ibibazo kuko ngo bigira ingaruka
Kanyankore(uwa kabiri iburyo)ubwo yerekanwaga nk'umutoza wa APR FC muri Nyakanga

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved