As Kigali yatsinze Gicumbi, uwa Rayon Sports na Bugesera urimurwa

Yanditswe na Jah d’eau Dukuze
Kuya 23 Ugushyingo 2016 saa 06:26
Yasuwe : XX
0

As Kigali iraye ku mwanya wa gatatu muri shampiyona y’icyiciro cya mbere nyuma yaho igitego cya Ntamuhanga Tumaine Tity ku munota wa 56, gitumye batsinda Gicumbi 1-0 ku mukino waberaga i Nyamirambo kuri uyu wa Gatatu.

Ni umukino w’umunsi wa gatandatu wa shampiyona wazanywe imbere, dore ko ikipe y’abanyamujyi yitegura kwerekeza i Nairobi muri Kenya, kwitabira amarushanwa ahuza imijyi y’ibihugu bigize Umuryango wa Afurika y’Iburasirazuba azwi ku izina rya EALASCA (East African Local Government Sports and Culture Association).

Ntamuhanga Tumaine Tity uretse gutsinda igitego, yanagoye Gicumbi ku buryo bugaragara

Umukino wo kuri uyu wa Gatatu, As Kigali yawihariye ku buryo bugaragara ndetse abakinnyi bayo nka Mubumbyi Bernabe, Murengezi Rodrigue na Sebanani Emmanuel Crespo bagiye babona amahirwe yo gufungura amazamu ariko ntibikunde.

Nyuma yaho igice cya mbere kirangiriye amakipe yombi anganya 0-0, As Kigali yaje gufungura amazamu ku munota wa 58, ubwo NtamuhangaTumaine Tity yazaga kubona umupira mwiza uturutse kwa Simpenzwe Hamidou, maze na we akawushyira mu nshundura mu mfuruka ubundi byari bigoranye gutsindiramo.

Ikipe ya As Kigali yakomeje gusatira ariko abakinnyi bayo ntibashobora kubyaza umusaruro uburyo bwinshi babonaga imbere y’izamu. Ku munota wanyuma w’umukino, Ndahinduka Michel yaje gukorerwa ikosa mu rubuga rw’amahina, gusa umusifuzi w’umunsi ntiyemeza ikosa, ari na ko umukino waje kurangira ari icyo gitego 1-0.

As Kigali nyuma yo gutsinda uyu mukino, ikaba ihise ifata umwanya wa gatatu ku rutonde rw’agateganyo n’amanota 10 inganya na Sunrise ya kabiri ndetse na Police ya kane, gusa zigatandukanywa n’ibitego zizigamye.

Shampiyona y’icyiciro cya mbere ikaba iri bukomeze kuri uyu wa Kane hakinwa umukino w’ikirarane hagati ya Kiyovu na Musanze, umukino wari wasubitswe kubera imvura nyinshi yari ku Mumena, gusa amategeko akaba ateganya ko ugomba gusubirwamo wose.

Izindi mpinduka zabaye muri shampiyona, ni umukino wagombaga guhuza ikipe ya Rayon Sports na Bugesera byari biteganyijwe ko uzakinwa kuri uyu wa Gatanu tariki ya 25 Ugushyingo, ariko ukaba warangije kwigizwa imbere ho umunsi umwe, ukazakinwa kuwa Gatandatu tariki 26/11/2016.

Gicumbi yagowe cyane n'abanyamujyi
Mubumbyi Bernabe yagiye abona amahirwe yo gutsinda atabyaje umusaruro
Nshutiyamagara Ismael Kodo yinjiye mu kibuga asimbuye Bishira wari wagowe n'inkweto

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza