00:00:00 IGIHE NETWORK KN KINYARWANDA EN ENGLISH FR FRANCAIS

Samuel Eto’o abona Mbappé nk’umusimbura wa Messi na Cristiano Ronaldo

Yanditswe na Habimana Sadi
Kuya 29 Kamena 2021 saa 09:50
Yasuwe :
0 0

Umunya-Cameroun wabaye rutahizamu ukomeye ku Isi, Samuel Eto’o ahamya ko Kylian Mbappé ari we musimbura wa Lionel Messi na Cristiano Ronaldo ‘CR7’ bigaruriye ruhago y’Isi mu myaka myinshi ishize.

Kugeza magingo aya abakurikiranira hafi iby’umupira w’amaguru ku Isi, bakomeje kwibaza umukinnyi cyangwa abakinnyi bazaba abasimbura b’ibirango bya ruhago y’Isi kugeza ubu, Cristiano Ronaldo na Lionel Messi.

Nubwo hibazwa ibi ariko bamwe mu bakinnye ruhago ku rwego rukomeye ntibatinya guhamya ko Umufaransa Kylian Mbappé ari umusimbura mwiza w’aba bakinnyi bombi.

Samuel Eto’o aganira n’ikinyamakuru La Nacion yashimangiye ko mu mboni ze no mu bunararibonye bwe abona Kylian Mbappé ari we uzasimbura Messi na CR7.

Ati “Cristiano ni indi mana. Ndetse na Messi. Ni abakinnyi b’umupira w‘amaguru ubu bafite amanota ari hejuru. Ariko indi mana iri kuza mu gihe Cristiano na Messi bazaba bananiwe. Iyo mana nshya izaba ari Kylian Mbappé.”

Samuel Eto’o w’imyaka 40 yakiniye amakipe atandukanye arimo Real Madrid na FC Barcelona zo muri Espagne na Chelsea na Everton zo mu Bwongereza n’izindi. Bivuze ko ijisho rye mu mupira w’amaguru rifite kinini risobanuye.

Uyu musore (Mbappé) w’imyaka 22 y’amavuko yegukanye igikombe cy’Isi ari kumwe n’u Bufaransa, yegukana igikombe cya shampiyona ari kumwe na Monaco mu 2016-2017. Mu 2019-2020 yatsinze ibitego 27 mu gihe mu mwaka ushize na bwo yatsindiye PSG ibitego 27 aba ari na we uza imbere mu batsinze ibitego byinshi. Ari kumwe n’ikipe y’Igihugu amaze gutsinda ibitego 17.

Umutoza Zinedine Zidane akiri muri Real Madrid yakomeje kugaragaza ko yifuza Kylian Mbappé ariko yarinze atandukana n’iyi kipe atageze ku byifuzo bye.

Kylian Mbappé ntabwo ijoro ryo ku wa 28 Kamena ryamubereye ribi
Umwaka ushize Kylian Mbappé yatsindiye PSG ibitego 27
Samuel Eto'o ahamya ko Kylian Mbappé ari we uzasimbura Messi na Cristiano Ronaldo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .