Kwamamaza

Rwatubyaye yiseguye ku bakunzi be anabagenera ubutumwa

Yanditswe kuya 23-09-2016 saa 13:25' na Manzi Rema Jules


Myugariro wa Rayon Sports, Rwatubyaye Abdul wari umaze iminsi atigaragaza ndetse atumvikana mu itangazamakuru, abicishije kuri Instagram yatangaje ko aho ari ameze neza kandi azi neza ko abakunzi be bamukumbuye ndetse abiseguraho kuba yaragiye mu buryo butunguranye.

Rwatubyaye Abdul w’imyaka 20, ni umwe muri ba myugariro bigaragaje cyane mu mwaka ushize, afasha APR FC kwegukana igikombe cya shampiyona ndetse no mu Mavubi yongera gushimangira ko ari mu beza igihugu gifite.

Tariki 28 Nyakanga 2016 nibwo uyu musore wakuriye mu ishuri ry’umupira rya APR FC akazamurwa mu ikipe ya mbere muri 2013, yasinyiye Rayon Sports amasezerano y’imyaka ibiri nyuma y’aho gahunda yari afite yo kujya gukina muri Slovakia yanze kubera kubura ibyangombwa.

Nyuma y’igihe gito amakuru yaje avuga ko uyu musore yaba yerekeje ku mugabane w’u Burayi, andi akavuga ko ari muri Kenya ariko bikomeza kuba urujijo ndetse n’igihe yagombaga gutangirana imyitozo na bagenzi be muri Rayon Sports ntiyaboneka kugeza ubu.

Abinyujije kuri Instagram, Rwatubyaye yashyizeho amashusho asuhuza inshuti ze ndetse anisegura ku kuba yaragiye adasezeye.

Yagize ati“Muraho nshuti zanjye z’akadasohoka, ndabizi ko bamwe muri mwe munkumbuye ariko nanjye mu kuri niko bimeze. Nagiye bitunguranye ariko mumbabarire, mumbabarire cyane. Ni ubuzima. Ntimungirire impungenge, meze neza, ndakomeye nta kibazo nk’uko mubibona. Ubu ndimo kwiga ubuzima. Kuri abo bamvugaho ibintu batazi, bategereze ndi hafi kubabwira ibyo mukeneye kumva.”

Rwatubyaye nubwo atigeze akomoza kuri Rayon Sports nk’ikipe imutegereje kugira ngo afatanye n’abandi gutegura umwaka utaha wa shampiyona, iyi kipe itangaza ko byanze bikunze azaza akayikinira kuko nta yindi kipe ashobora kujyamo kandi abafitiye amasezerano nk’uko Umunyamabanga wayo Gakwaya Olivier abitangaza.

Ati “Rwatubyaye ntituzi aho ari ubu, tumufata nk’umukozi wataye akazi ariko igihe cyose azazira azaikinira Rayon Sports kuko nta yindi kipe tumurwanira. Keretse wenda nareka umupira nibwo atazadukinira kandi na bwo twamukurikirana ku mafaranga yahawe.”

Mu mpera za shampiyona ya 2015-2016, Rwatubyaye kimwe n’abandi bakinnnyi nka Iranzi Jean Claude, Ombolenga Fitina na Kalisa Rachid bifujwe na MFK Topvar Topolcany, ikipe ikina mu cyiciro cya gatatu muri Slovakia, bagenzi be baragenda ariko we ntibyashoboka kubera kubura ibyangombwa by’inzira.

Rwatubyaye yabwiye abakunzi be ko ameze neza, ndetse yiteguye gutangaza byinshi mu minsi iri imbere
Rwatubyaye Abdul (wambaye nimero 28), umwe muri ba myugariro beza mu gihugu

Amashusho ya Rwatubyaye asaba imbabazi abakunzi be


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved