00:00:00 IGIHE NETWORK KN KINYARWANDA EN ENGLISH FR FRANCAIS

Rutabayiro Jean-Philippe yakoze imyitozo ye ya mbere mu Amavubi

Yanditswe na Eric Tony Ukurikiyimfura
Kuya 9 Ugushyingo 2021 saa 08:40
Yasuwe :
0 0

Myugariro Rutabayiro Jean-Philippe usanzwe ukinira Sociedad Deportiva Lenense yo muri Espagne, yaraye akoze imyitozo ya mbere mu Ikipe y’Igihugu ‘Amavubi’ iri kwitegura imikino ibiri izahuramo na Mali ndetse na Kenya muri iki Cyumweru.

Rutabayiro w’imyaka 27 ni ubwa mbere yahamagawe mu Ikipe Nkuru mu gihe yigeze kuba mu Ikipe y’Igihugu y’Abatarengeje imyaka 17 mu 2014 ubwo yakoreraga imyitozo muri Police FC.

Nyuma yo kugera i Kigali ku wa Mbere mu gitondo, uyu musore yakoranye n’abandi mu myitozo ya nimugoroba yabereye kuri Stade ya Kigali i Nyamirambo, aho Amavubi azakirira Mali ku wa Kane, tariki ya 11 Ugushyingo 2021 saa kumi n’ebyiri.

Yakoranye n’abarimo umunyezamu Mvuyekure Emery ukina muri Kenya, myugariro Manzi Thierry ukina muri Georgia na Bizimana Djihad ukina mu kibuga hagati, wavuye mu Bubiligi.

Abandi bakina bamaze kugera mu Rwanda ariko bataritabira imyitozo ni umunyezamu Buhake Twizere Clément ukina muri Norvège, Ngwabije Bryan Clovis ukina mu Bufaransa na Rafael York ukina muri Suède.

Abategerejwe i Kigali kuri uyu wa Kabiri ni Imanishimwe Emmanuel ukina muri Maroc na Nirisarike Salomon ukina muri Arménie.

Nyuma yo gukina na Mali, Ikipe y’Igihugu izerekeza muri Kenya aho izakirwa na Harambee Stars ku wa 14 Ugushyingo 2021 mu mukino usoza iy’ijonjora rya kabiri ryo gushaka itike y’Igikombe cy’Isi cya 2022.

Amavubi azakina iyi mikino yombi ntacyo aharanira kuko afite inota rimwe mu mikino ine imaze gukinwa.

Myugariro Rutabayiro Jean-Philippe yakoze imyitozo ye ya mbere mu Amavubi nyuma yo guhamagarwa bwa mbere
Manzi Thierry ukina muri Georgia, na we yamaze gusanga abandi mu myitozo
Umunyezamu Mvuyekure Emery mu myitozo yakorewe i Nyamirambo ku wa Mbere nimugoroba
Bizimana Djihad akorana n'abandi kuva ku Cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .