Rivers United yageze mu Rwanda umutoza wayo atera ubwoba Rayon Sports

Yanditswe na Manzi Rema Jules
Kuya 20 Mata 2017 saa 11:45
Yasuwe :
0 0

Rivers United yo muri Nigeria yageze mu Rwanda saa tatu z’umugoroba kuri uyu wa Kane, umutoza wayo atangaza ko baje gukina umukino w’abanyaburayi mu gusezerera Rayon Sports muri CAF Confederation Cup.

Rivers United yatsinze Rayon Sports mu mukino ubanza ibitego bibiri ku busa muri Nigeria yageze i Kigali aho igomba gukina umukino wo kwishyura kuri uyu wa Gatandatu kuri Stade Amahoro saa cyenda n’igice.

N’icyizere cyinshi, umutoza w’iyi kipe Stanley Eguma yatangaje ko baje mu Rwanda gukina umukino wo guhererekanya cyane imipira migufi “total football” umenyerewe ku makipe yo ku mugabane w’u Burayi nka FC Barcelona.

Yagize ati “Twiteguye umukino ukomeye. Tuzi ko umukino wo muri Nigeria wararangiye ubu ni undi mushya kandi dushakamo kwitwara neza. Tuzakina ‘total football’ kugira ngo tubone intsinzi.”

Abajijwe uko yabonye Rayon Sports mu mukino ubanza yagize ati “Ni ikipe nziza, bakinnye neza ariko tuje hano gutwara intsinzi. Nta kibazo cy’imvune dufite buri muntu ari hano gukina, wenda nzakora impinduka nk’ebyiri cyangwa eshatu kuko hari abananiwe bazabanza ku ntebe y’abasimbura, gusa ikipe irahari.”

Iyi kipe yizaniye ibyo kurya ndetse n’abantu bazayitekera yahise ijya gucumbika muri Classic Hotel, bikaba biteganyijwe ko izakora imyitozo ya mbere kuri uyu wa Gatanu ku masaha ya nimugoroba.

Rivers United igeze mu Rwanda
Ifeanyi Nweka watsinze igitego cya mbere mu mukino ubanza yaje ashaka bibiri mu wo kwishyura
Binjira mu modoka zabatwaye kuri hoteli
Umutoza Eguma (ibumoso) avuga ko bataje gutakaza amanota i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244