Kwamamaza

Rayon Sports yerekeje i Rusizi idafite abakinnyi batatu b’inkingi za mwamba

Yanditswe kuya 20-10-2016 saa 17:28' na Manzi Rema Jules


Ku munsi wa Kabiri wa shampiyona y’u Rwanda, Rayon Sports yerekeje i Rusizi gucakirana na Espoir FC idafite rutahizamu Moussa Camara, Mugheni Fabrice na Muhire Kevin bita ‘Rooney’ bose bafite ibibazo by’imvune.

Umutoza Masoudi Djuma n’abasore be bagiye gukinira kuri kimwe mu bibuga bibagora cyane muri shampiyona by’umwihariko ikipe batigeze batsinda na rimwe umwaka ushize w’imikino.

Kwirinda ko abakinnyi bazakinira kuri Stade ya Rusizi yahoze yitwa Kamarampaka, kimwe mu bibuga bibi, kandi batamenyereye, ni cyo cyatumye ubuyobozi bwa Rayon Sports bufata umwanzuro ko ikipe ijyayo kuri uyu wa Kane kugira ngo izabanze ihakorere imyitozo nk’uko Gakwaya Olivier, Umunyamabanga wayo yabibwiye IGIHE.

Ati “Abakinnyi bameze neza keretse Moussa Camara, Mugheni Fabrice na Muhire Kevin bafite imvune abandi bose baramanuka i Rusizi uyu munsi (kuwa Kane). Bamanutse mbere kuko bagomba kubanza gukorera imyitozo ku kibuga cya Espoir kitari cyiza bakakimenyera ariko no kwirinda ko bazagerayo bafite umunaniro w’ishyamba rya Nyungwe.”

Ku bakinnyi batari bagaragaye mu myitozo yo kuri uyu wa Gatatu bivugwa ko ari ukubera ibibazo by’ibirarane, Gakwaya yahakanye aya makuru avuga ko buri wese yari afite ikibazo bwite ariko bari basabye impushya, ubu bose bakaba bagarutse uretse abafite imvune.

Uretse Rayon Sports izaba iri i Rusizi, APR FC izaba yasuye Gicumbi FC, umukino ukomeye kuri uyu munsi wa kabiri wa shampiyona ukazabera kuri Stade ya Kicukiro kuwa Gatandatu aho Police FC yatsinzwe 3-0 ku munsi wa mbere izakira Bugesera FC ya Mashami Vincent yatsinze Kiyovu Sports 3-0.

Imikino yose iteganyijwe mu mpera z’icyumweru:

Kuwa Gatanu, tariki 21 Ukwakira 2016

- AS Kigali vs Marines (Stade ya Kigali)

Kuwa Gatandatu tariki 22 Ukwakira 2016

- Kirehe FC vs Sunrise FC (Kirehe)

- Espoir FC vs Rayon Sports FC (Rusizi)

- Police FC vs Bugesera FC (Kicukiro)

- Mukura Victory Sports vs Etincelles FC (Huye)

Ku Cyumweru, tariki 23 Ukwakira 2016

- Gicumbi FC vs APR FC (Stade ya Kigali)

- SC Kiyovu vs Amagaju FC (Mumena)

- Musanze FC vs Pépinière FC (Nyakinama)

Mugheni Fabrice (uwa mbere iburyo mu bunamye) na Muhire Kevin (umukurikiye) ntibajyanye na Rayon Sports i Rusizi
Rutahizamu Moussa Camara ntiyajyanye na Rayon Sports gukina na Espoir kubera ikibazo cy'imvune

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved