Kwamamaza

Rayon Sports yazanye abazamu babiri barimo Evariste Mutuyimana wakiniraga Sofapaka

Yanditswe kuya 30-08-2016 saa 14:44' na Manzi Rema Jules


Umuzamu Evariste Mutuyimana wakiniraga Sofapaka yo muri Kenya na Iradukunda Japhet utari ufite ikipe uri mu igeragezwa, bakoze imyitozo muri Rayon Sports kuri uyu wa Kabiri bitegura imikino ibiri ya gicuti, iyi kipe ifitanye na Pépinière FC n’Isonga mbere yo kujya mu irushanwa ryateguwe na AS Kigali.

Mu myitozo yabereye ku Mumena aho kwinjira byari amafaranga 500, Rayon Sports yari yiganjemo amasura mashya y’abakinnyi bari mu igeragezwa.

Uretse rutahizamu wo muri Mali, Moussa Camara uherutse gusinyira iyi kipe ngo asimbure Ismaila Diarra, undi mukinnyi wishimiwe n’abafana batari bake ni Mutuyimana Evariste wari usanzwe akinira Sofapaka yo muri Kenya ariko ubu akaba yamaze gushyira umukono ku masezerano y’imyaka ibiri muri Rayon Sports aho agiye guhanganira umwanya na Ndayishimiye Eric Bakame.

Si we wenyine iyi kipe yazanye mu izamu kuko nyuma yo kwirukana Musoni Théophile wari umuzamu wa gatatu igasigarana babiri barimo Ndayishimiye Eric Bakame na Bashunga Abouba, bishoboka ko iyi kipe ishobora kugira abazamu bane mu gihe Iradukunda Japhet uri mu igerageza yaritsinda na we agahabwa amasezerano.

Umutoza Masoudi Djuma, yabwiye IGIHE ko hari abakinnyi benshi bari mu igeragezwa,abazaritsinda bakazabona amahirwe yo kwambara ubururu n’umweru.

Ati “Ni abana twahaye amahirwe kugira ngo bigaragaze. Dufite imikino ibiri ya gicuti na Pépinière FC n’Isonga, bazahabwa amahirwe bakine abazigaragaza bazaguma mu ikipe abandi bazahita basezererwa. Mu izamu twongeyemo imbaraga kuko dusigaranye abazamu babiri gusa undi twamuhaye amahirwe ajye gushaka aho abona umwanya, twashakaga umukinnyi uri ku rwego rwiza ku buryo yinjira asimbuye anganya n’uwo asimbuye.”

Imikino ya gicuti, Rayon Sports iteganya gukina ntizagaragaramo abakinnyi bakomeye nka Kapiteni Ndayishimiye Eric Bakame, Dominique Nshuti Savio, Manzi Thierry, Munezero Fiston bari mu ikipe y’igihugu, Niyonzima Olivier Sefu utaragaruka mu myitozo nyuma yo gusezererwa mu Mavubi, ndetse na Kwizera Pierrot na Nahimana Shasir bari mu ikipe y’u Burundi.

Abakunzi ba Rayon Sports bategereje n’amatsiko menshi kubona urwego abakinnyi bagera ku 12 ikipe yasinyishije uyu mwaka bahagazeho.

Aba barimo barimo Nova Bayama wavuye muri Mukura VS, Senyange Yvan wahoze muri Gicumbi FC, Lomami Frank wavuye muri Musanze FC, Nahimana Shasir wavuye muri Vital’o, Ishimwe Issa Zapi wakinaga muri Sunrise FC, Nigimbere Fabrice wavuye muri Gasabo FC, Mutuyimana Evariste wakiniraga Sofapaka yo muri Kenya n’abakinnyi batatu Rayon Sports ivuga ko yazamuye mu ikipe y’abana iba i Nyanza barimo Cyimana Willy Hamza, Idrissa Nsengiyumva na Hakizimana Hassan.

Mutuyimana Evariste agiye guhanganira umwanya na Bakame mu izamu
Masoudi yanyuzagamo agakorana n'abakinnyi imyitozo
Moussa Camara abafana benshi bamugereranya na Ismaila Diarra werekeje muri DCMP muri RDC
Nyuma y'imyitozo mbere yo gutaha babanza kwiragiza Imana

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved