00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports yatsikiriye i Rubavu, inganya na Marines FC

Yanditswe na Habimana Sadi
Kuya 13 Kamena 2021 saa 04:50
Yasuwe :
0 0

Ikipe ya Rayon Sports FC yongeye gutakaza umukino yari yasuyemo Marines FC ubwo izi kipe zombi zagabanaga amanota, zikanganya igitego kimwe kuri kindi.

Ni umukino watangiye Saa Sita z’amanywa kuri Stade Umuganda. Rayon Sports FC ibifashijwe na Nishimwe Blaise ku munota 24 yari ibonye igitego ariko ntabwo ibyishimo by‘iyi kipe byatinze.

Ku munota wa 42, Marines FC ibifashijwemo na Ngabo Mucyo Fred yahise ibona igitego cyo kwishyurira iyi kipe y‘Ingabo zi‘u Rwanda zirwanira mu mazi.

Iminota 45 y’igice cya mbere cyarangiye amakipe yombi anganya 1-1.

Mu gice cya kabiri, buri kipe ntabwo yari yiteguye kurekurira ngenzi yayo. Nyuma y’uku gukomeza gucungana, iminota 90 yarangiye ikipe zombi zigabanye amanota.

Byatumye Rayon Sports FC ikomeza gutakaza amahirwe yo kwegukana igikombe cya shampiyona kuko mu mikino ine iyi kipe imaze gukina, yatsinzemo umukino umwe wa Bugesera FC, inganya ibiri na Police FC na Marines FC itsindwa umwe na AS Kigali FC.

Nishimwe Blaise niwe watsindiye Rayon Sports FC igitego
Rayon Sports FC yongeye gutsikirira i Rubavu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .