Rayon Sports yatomboye Lydia yo mu Burundi, APR FC yo izerekeza muri Seychelles

Yanditswe na Manzi Rema Jules
Kuya 13 Ukuboza 2017 saa 02:14
Yasuwe :
0 0

Muri tombola y’uko amakipe azakina amarushanwa Nyafurika mu mwaka wa 2017/2018 azahura, Rayon Sports izahagararira u Rwanda muri Total CAF Champions League, yatomboye Lydia yo mu Burundi, mu gihe APR FC izakina CAF Confederation Cup yo izahura na Anse Réunion yo muri Seychelles.

Iyi tombola yabaye kuri uyu wa 13 Ukuboza 2017, yabereye ku Cyicaro gikuru cya CAF kiri i Cairo mu Misiri.

Rayon Sports izatangira yakirira mu rugo Lydia Ludic (LLB Académic FC) yo mu Burundi mu mukino ubanza wa 1/16 aho biteganyijwe ko izasezerera indi izahura na Mamelodi Sundowns yo muri Afurika y’Epfo mu cyiciro gikurikiraho. Umukino ubanza uteganyijwe hagati y’iya 9–11 Gashyantare 2018 mu gihe uwo kwishyura uzakinwa hagati ya 16–18 z’uko kwezi.

APR FC yegukanye Igikombe cy’Amahoro izatangira yakira Anse Réunion mu mukino ubanza wa Total CAF Confederation Cup. Izarokoka hagati y’amakipe yombi izahura n’izava hagati ya Elwa United FC yo muri Liberia n’ikipe yo muri Mali. Umukino ubanza uzakinwa tariki ya 10 na 11 Gashyantare 2018, uwo kwishyura uri hagati ya 20 na 21.

Amakipe 59 ni yo ari muri Total CAF Champions League 2018 mu gihe muri Total CAF Confederation Cup 2018 harimo 54.

Amashyirahamwe umunani ni yo ataratanze amakipe yabo arimo Cape Vert, Chad, Eritrea, Namibia, Reunion, São Tomé and Príncipe, Sierra Leone na Somalia.

Rayon Sports izahagararira u Rwanda muri Total CAF Champions League yatomboye Lydia yo mu Burundi
APR FC izahura na Anse Réunion yo muri Seychelles muri CAF Confederation Cup

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza