Rayon Sports yasinyishije myugariro wakinaga mu Burundi

Yanditswe na Eric Tony Ukurikiyimfura
Kuya 16 Kamena 2019 saa 12:51
Yasuwe :
0 0

Rayon Sports yatangaje ko yamaze gusinyisha myugariro wo hagati, Ndizeye Samuel wakiniraga ikipe ya Vital’o FC yo mu Burundi ku masezerano y’imyaka ibiri.

Ibinyujije ku rukuta rwayo rwa Twitter, iyi kipe ifite igikombe cya shampiyona yatangaje ko yaguze uyu mukinnyi kuri iki Cyumweru ndetse abaye uwa kabiri ukina mu mutima wa ba myugariro uguzwe n’iyi kipe nyuma ya Iragire Saidi waguzwe muri Mukura Victory Sports.

Ndizeye Samuel ni umunyarwanda uba i Burundi, akaba afite imyaka 21 gusa y’amavuko, ariko ari mu bakinnyi beza bari muri shampiyona y’i Burundi mu mwaka wa 2018, aho yatowe nk’umukinnyi w’umwaka w’imikino 2017/18.

Mu mwaka ushize yifuzwaga n’amakipe ya APR FC na Police FC, ariko birangiye Rayon Sports ariyo ibashije kumwegukana.

Abandi bakinnyi bakomeje kwifuzwa na Rayon Sports ni kapiteni wa Mukura Victory Sports, Ciza Hussein na Bizimana Yannick wa AS Muhanga, bombi bagombaga kwerekeza muri iyi kipe ku wa Gatanu ariko ntibasinya batarahabwa amafaranga.

Rayon Sports izahagararira u Rwanda muri CAF Champions League 2019/20, yaguze kandi na Commodore Olokwei wo muri Ghana ukina mu kibuga hagati afasha ba rutahizamu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza