Kwamamaza

Rayon Sports yanyagiye Sunrise, Moussa Camara yongera kwiyerekana

Yanditswe kuya 12-09-2016 saa 11:13' na Manzi Rema Jules


Rayon Sports yihanije Sunrise FC iyitsinda ibitego bine ku busa mu mukino wa kabiri w’irushanwa ‘AS Kigali Preseason Tournament’, rutahizamu wayo Moussa Camara yongera kwigaragaza atsinda ibitego bibiri wenyine.

Rutahizamu w’ibigango, Mousaa Camara benshi bagereranya na Ismaila Diarra werekeje muri DCMP ni umwe mu bahagurukije abafana ba Gikundiro ku mugoroba wo kuri iki Cyumweru mu mukino ikipe ye yanyagiyemo Sunrise y’i Burasirazuba ibitego bine ku busa.

Sunrise FC yari yatsinze Kiyovu Sports mu mukino ubanza ibitego bibiri ku busa ndetse igaragaza imbaraga n’umukino mwiza cyane ku bakinnyi bataha izamu yakuye muri Nigeria, Ojenuwa Romeo na Ortomal Alex ibi bikaba byari byatumye benshi batangira kuyitega Rayon Sports yari yatsinze Police FC 2-1 bigoranye.

Igice cya mbere cyarangiye aba- Rayon bamaze kwiterera mu bicu kabiri ku bitego bya Kwizera Pierrot na Moussa Camara.

Mu gice cya kabiri iyi kipe y’i Nyanza yakomeje kotsa igitutu Sunrise ndetse iyitsinda ibitego bibiri harimo icya Moussa Camara ndetse na Lomami Frank winjiye mu kibuga asimbuye waje gushyiramo agashinguracumu mu minota ya nyuma.

Rayon Sports niyo kipe yonyine itaratakaza inota na rimwe muri iri rushanwa ryateguwe na AS Kigali yahise ikatisha itike yo gukina imikino ya ½.

Mu itsinda A ikipe ya AS Vita Club na APR FC zifite amanota ane ni zo zifite amahirwe yo kujya muri ½ , AS Kigali na Dauphin Noir zigasezererwa.

Mu itsinda B Rayon Sports yamaze gukomeza mu cyiciro gikurikiraho ifite amanota atandatu, ikurikiwe na Sunrise na Kiyovu Sports zifite atatu na ho Police FC yamaze gusezererwa nta mukino iratsinda.

Abakinnyi babanjemo ku mpande zombi:

Rayon Sports: Ndayishimiye Eric ’Bakame’, Ishimwe Issa ’Zapy’, Manzi Thierry, Mutsinzi Ange ‘Jimmy’, Irambona Eric, Mugheni Fabrice, Kwizera Pierrot, Kevin Muhire ’Rooney’, Nahimana Shassir, Moussa Camara na Nshuti Xavio Dominique.

Sunrise FC: Habarurema Gahungu, Serumogo Ally Omar, Niyonshuti Gad, Iradukunda Pacifique, Manzi Sincere Huberto, Uwambazimana Leon, Niyibizi Vedaste, Ojenuwa Romeo, Ortomal Alex, Babuwa Samson, na Musa Ally ’Sova’.

Savio agerageza gucenga umukinnyi wa Sunrise
Camara ahanganye na ba myugariro ba Sunrise
Abakinnyi ba Sunrise banyagiwe ibitego bine ku busa
Kwizera Pierrot (hagati) yishimira igitego
Abafana bitabiriye uyu mukino ari benshi
Abakinnyi ba Rayon Sports bishimira igitego cya Kwizera Pierrot
Abakinnyi ba Rayon Sports mu byishimo n'umutoza Masudi Djuma
Abafana ba Rayon Sports bari bakubise buzuye
Abashinzwe ubutabaza bajyanye hanze y'ikibuga umukinnyi wa Sunrise wagize imvune

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved