Kwamamaza

Rayon Sports yihanije Kiyovu Sports yegukana umwanya wa gatatu

Yanditswe kuya 17-09-2016 saa 17:08' na Manzi Rema Jules


Rayon Sports yanze gukomeza kuba insina ngufi imbere y’abakeba nyuma yo gutsindwa na Kiyovu Sports ku mukino wa nyuma mu matsinda igasubirwa na APR FC muri 1/2, iyi kipe y’i Nyanza yanze gukorwamo ubugira gatatu, inyagira Kiyovu Sports ibitego bitatu ku busa.

Ni mu mukino wo guhatanira umwanya wa gatatu mu irushanwa rya "AS Kigali Pre -Season Tournament " wabaye kuri uyu wa Gatandatu kuri Stade Amahoro i Remera.

Nyuma yo kunyagirwa na APR FC ibitego 3-0 muri 1/2 kuwa Kane, Rayon Sports nayo yihimuriye kuri Kiyovu Sports iyitsinda ibitego 3- 0 imbere y’abafana mbarwa, ugereranyije n’umubare w’abasanzwe bitabira imikino ya Gikundiro.

Ibitego bibiri bya Moussa Camara mu gice cya mbere n’ikindi kimwe cya Nahimana Shasiir cyabonetse mu gice cya kabiri nibyo byahesheje Rayon Sports kwegukana umwanya wa gatatu.

Nyuma y’umukino Masoudi yatangaje ko ubu ikipe igomba gutangira kwitegura mu buryo bufatika bakareka kujenjeka.

Yagize ati" Kiyovu Sports yaradutsinze ubushize kuko abakinnyi bumvaga ko ari ya kipe bahora batsinda barirara kimwe no kuri APR FC bumvaga ko ari ya kipe batsinze kabiri. Ubu iby’imikino byarangiye tugiye gutangira shampiyona. Nta kosa na rimwe tugomba gukora."

Uyu mutoza watwaye igikombe cy’Amahoro umwaka ushize yavuze ko hari imyanya agiye kongeramo abakinnyi kuko yasanze irimo icyuho nubwo atifuje kuyitangaza.

Uyu mukino ugiye gukurikirwa n’indi uhuza APR FC na AS Vita Club ari nawo ugaragaza ikipe yegukana igikombe cy’iri rushanwa aho ikipe ya mbere ihembwa miliyoni eshanu z’amafaranga y’u Rwanda, iya kabiri igahabwa eshatu mu gihe iya gatatu ihabwa ebyiri.

Bake mu bafana basanzwe bamenyerewe ba Rayon Sports ni bo barebye umukino
Igitego cya gatatu cya Rayon Sport cyinjira mu izamu rya Kiyovu Sports
Kanamugire Aloys utoza Kiyovu Sports yishimiye uko abakinnyi be bitwaye nubwo batsinzwe
Manzi Thierry ahetse Nahimana Shasiir nyuma yo gutsinda igitego cya gatatu
Nahimana Shasiir hagati yari yazonze Kiyovu Sports
Savio Nshuti Dominique ari mu bakinnyi bigaragaje cyane

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved