Rayon Sports yakoze imyitozo ya nyuma mu muhezo yitegura Police FC

Yanditswe na Eric Tony Ukurikiyimfura
Kuya 3 Ukuboza 2019 saa 01:41
Yasuwe :
0 0

Rayon Sports yakoze imyitozo ya nyuma yabaye mu muhezo mu gitondo cyo kuri uyu wa Kabiri mbere yo kwakira Police FC mu mukino w’umunsi wa 12 wa Shampiyona uzabera kuri Stade ya Kigali kuri uyu wa Gatatu saa 18:00.

Amakipe yombi azahurira muri uyu mukino mu gihe kuri ubu anganya amanota 24, aho Rayon Sports izigamye ibitego 11 ku mwanya wa kabiri mu gihe Police FC izigamye ibitego icyenda ku mwanya wa gatatu.

Rayon Sports yakoreye imyitozo yayo ya nyuma mu Nzove, yagaragayemo Mugheni Fabrice utarongera kuyikinira kuva ubwo yagiriraga ikibazo mu mukino yakiriwemo na Musanze FC mu kwezi gushize, ku munsi wa karindwi wa Shampiyona.

Iranzi Jean Claude na Nshimiyimana Imran batakinnye umukino wa Kiyovu Sports kubera amakarita bari bafite atabemerera kuwukina, bitezwe kuri uyu mukino uzaba ejo.

Rayon Sports ifite igikombe cya Shampiyona giheruka, izaba ishaka uburyo yagabanya ikinyuranyo cy’amanota irushwa na APR FC ya mbere, kuri ubu ifite amanota 27.

Ikipe y’ingabo irakirwa na Gicumbi FC mu mukino w’umunsi wa 12 wa Shampiyona ubera ku Mumena kuri uyu wa Kabiri saa 15:00.

Gahunda y’umunsi wa 12 wa Shampiyona

Ku wa Kabiri tariki ya 3 Ukuboza 2019

  • Gicumbi FC vs APR FC (Stade Mumena, 15h00)

Ku wa Gatatu tariki ya 4 Ukuboza 2019

  • Kiyovu Sports vs Marines FC (Stade Mumena, 15h00)
  • Mukura VS vs AS Muhanga (Stade Huye, 15h00)
  • Rayon Sports vs Police FC (Stade de Kigali, 18h00)
  • Heroes FC vs Gasogi United (Stade Bugesera, 15h00)
  • Musanze FC vs AS Kigali (Stade Ubworoherane, 15h00)
  • Sunrise FC vs Bugesera FC (Stade Nyagatare, 15h00)
  • Espoir FC vs Etincelles FC (Stade Rusizi, 15h00)
Mugheni Fabrice (ufite umupira) ari mu bakinnyi bakoze imyitozo ya nyuma yo kwitegura Police FC
Mugheni ntarongera gukinira Rayon Sports kuva yavunikira i Musanze
Rayon Sports izakira Police FC mu mukino w'umunsi wa 12 uzabera kuri Stade ya Kigali saa 18:00

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza