Kwamamaza

Rayon Sports izatangira shampiyona idafite rutahizamu Moussa Camara kubera imvune

Yanditswe kuya 11-10-2016 saa 07:59' na Manzi Rema Jules


Rayon Sports izakina umukino ufungura shampiyona ku wa Gatanu tariki 14 Ukwakira na Police FC idafite rutahizamu Moussa Camara wavunikiye ku mukino wa gicuti wahuje iyi kipe na AS Kigali mu mpera z’icyumweru gishize.

Moussa Camara waje muri Rayon Sports uyu mwaka aje gusimbura Ismaila Diarra, amaze kwigaragaza ndetse mu irushanwa rya AS Kigali ribanziriza shampiyona yatsinze ibitego bitanu mu mikino ine yakinnye, akomeza kwitwara neza mu mikino ya gicuti.

Uyu rutahizamu ukomoka muri Mali, imvune yagize kuwa Gatandatu tariki 8 Ukwakira nyuma yo gutsinda ibitego bibiri AS Kigali wenyine, izatuma amara hanze y’ikibuga icyumweru kimwe, akazagaruka iyi kipe yasuye Espoir FC i Rusizi tariki 22 Ukwakira nk’uko umutoza wungirije Nshimiyimana Maurice bita Maso yabitangarije IGIHE.

Yagize ati "Imvune yagize ntikomeye cyane nk’uko twabitekerezaga akivunika. Ubu arimo gushinga ikirenge gake gake, bishobotse kuri uyu wa kabiri yatangira kwiruka buhoro buhoro azenguruka stade ariko gukora ku mupira ni nka nyuma y’iminsi itatu. Umukino ufungura shampiyona nta mahirwe yo kuwukina ariko azaba ameze neza twagiye i Rusizi."

Uretse Camara ufite imvune abandi bakinnyi bose ba Rayon Sports bari bafite ibibazo nka Dominique Nshuti Savio wari wafashwe na Malariya, Nahimana Shasiir wari wavunitse bose batagaragaye ku mukino wa AS Kigali bamaze kugaruka mu myitozo.

Kugeza ubu myugariro Munezero Fiston wari wahagaritswe icyumweru kubera imyitwarire mibi niwe utakoze imyitozo yo kuri uyu wa Mbere ariko nyuma y’aho yandikiye ibaruwa yemera amakosa ndetse agasaba n’imbabazi aratangirana na bagenzi be imyitozo kuri uyu wa Kabiri akaba ashobora no kugaragara ku mukino wa Police FC.

Gahunda yose y’imikino ibanza ya Rayon Sports:

Ahanditse H: ni imikino Rayon Sports izakira, naho ahari A: ni aho izaba yasuye indi kipe

1. H 14/10: Police Stade ya Kigali 18:00

2. A 22/10: Espoir Stade ya Rusizi

3. H 30/10: As Kigali Stade ya Kigali

4. A 6/11: Marines Stade Umuganda

5. A 19/11: Sunrise Stade Nyagatare

6. H 25/11: Bugesera Stade ya Kigali

7. A 4/12: Amagaju Stade ya Nyagisenyi

8. H 10/12: Gicumbi Stade ya Kigali

9. A 16/12: Mukura Stade ya Huye

10. H 24/12: Musanze Stade ya Kigali

11. A 31/12: Kirehe Stade ya Kirehe

12. H 8/1/2017: Pepiniere Stade ya Kigali

13. H 15/1: Etincelles Stade ya Kigali

14. A 21/1: APR FC Stade Amahoro

15. H 27/1: Kiyovu Sports Stade ya Kigali

Mousa Camara yatangiye gushinga ikirenge
Camara yavunikiye mu mukino wa gicuti wahuje Rayon Sports na AS Kigali
Moussa Camara ntazagaragara ku mukino ufungura shampiyona uzahuza Rayon Sports na Police FC
Camara akomeje kwitabwaho n'abaganga
Dominique Nshuti Savio (ufite umupira) wari umaze iminsi arwaye malariya yagarutse mu myitozo
Umutoza Masoudi Djuma akorana imyitozo n'abakinnyi
Nahimana Shasiir wari wagize ikibazo cy'imvune yatangiye imyitozo
Rwigema Yves(ufite umusatsi w'umweru) yiteguye gutangira ubuzima bushya muri Rayon Sports
Umutoza wungirije muri Rayon Sports, Maso akurikirana abakinnyi mu myitozo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved