Rayon Sports izahura na APR FC nyuma yo gukorerwaho amateka na Kiyovu Sports

Yanditswe na Jah d’eau Dukuze
Kuya 13 Nzeri 2016 saa 09:24
Yasuwe :
0 0

Ikipe ya Kiyovu Sports ikuyeho amateka yari amaze imyaka ine itsindira Rayon Sports kuri Stade ya Kigali ibitego 2-1 bitumye izamuka iyoboye itsinda rya kabiri mu mikino y’irushanwa rya As Kigali.

Kiyovu Sports yatangiye umukino ibizi ko kuwunganya biri buze kuba bihagije kugira ngo ibone itike ya ½ cy’irangiza, nyuma y’aho Police yari imaze gutsindira Sunrise ku Kicukiro 3-1.

Kanamugire Aloys, yari yakomezanyije ikipe ye yiganjemo abakiri bato, mu gihe yo Rayon Sports yari yaruhukije bamwe mu bakinnyi bayo nk’umunyezamu Bakame, ndetse na rutahizamu Mussa Camara.

Iyi kipe y’urucaca, yatangiye ishyira igitutu kuri Rayon Sports kugira ngo ibe yabona igitego hakiri kare, gusa umupira wa nyuma ukomeza kuba ikibazo kuri aba basore ba Kanamugire.

Rayon Sports yari ituje mu kibuga nyuma yo kwibonera itike hakiri kare, yaje gufungura amazamu ku munota wa 37. Coup Franc ya kure ya Kwizera Pierrot yaruhukiye mu izamu ryari ririnzwe na Bonheur.

Nyuma yo kurangiza igice cya mbere gutyo, igice cya kabiri cyatangiranye imbaraga nke ku mpande zombi nubwo Rayon Sports yanyuzagamo igasatira. Iyi kipe batazira Gikundiro, yaje kubona uburyo bwo gushimangira intsinzi, ubwo Mustapha yategerwaga hafi y’urubuga rw’amahina ku munota wa 62 maze Coup Franc nziza yavuyemo Pierrot akayikubita ku mutambiko w’izamu.

Kiyovu Sports yari yakomeje kurebera ikipe bahanganye yitesha amahirwe yo gutsinda, yo ntabwo yigeze ipfusha ubusa amahirwe yabonye ku munota wa 64. Aba, bakaba babifashijwemo ahanini n’umunyezamu wa Rayon Sports Bashunga washatse gucenga Mustapha Francis ariko uyu rutahizamu wa Kiyovu agahita amwambura umupira akawushyira mu rushundura.

Uyu munyezamu usanzwe ari uwa gatatu wa Rayon Sports, yaje no gufata umupira abishaka yarenze urubuga rw’amahina, maze havamo Coup Franc yavuyemo igitego cya kabiri cyatsinzwe neza na Djuma Nizeyimana.Umukino waje kurangira ari ibyo bitego 2-1.

Kiyovu Sports yaherukaga gutsinda Rayon Sports muri shampiyona ya 2011/2012 , byari ku itariki ya 21 Mata 2012, icyo gihe Kiyovu yatsinze Rayon Sports igitego 1-0 , cyatsinzwe na Julius Bakabulindi.

Gutsinda uyu mukino kuri Kiyovu, bivuze ko yazamutse ari iya mbere mu itsinda ikazahura na Vita Club, mu gihe Rayon Sports izahura na APR FC mu mikino ya ½ yombi izabera ku mahoro.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244