Rayon Sports irimo Mugheni yatangiye imyitozo (Amafoto)

Yanditswe na Ngabo Roben
Kuya 5 Ukwakira 2018 saa 08:46
Yasuwe :
0 0

Umutoza Roberto Oliveira do Carmo [Robertinho], yatangije imyitozo yitegura umwaka mushya muri Rayon Sports, aho yitabiriwe n’abakinnyi biganjemo abashya nka Fabrice Mugheni Kakule wavuye muri Kiyovu Sports.

Ku gicamunsi cyo kuri uyu wa Gatanu nibwo Rayon Sports yamuritse abakinnyi bashya bayo mu myitozo bakoreye ku kibuga cyo mu Nzove, mu Murenge wa Kanyinya wo mu Karere ka Nyarugenge.

Iyi myitozo yitabiriwe n’abakinnyi bashya bose b’iyi kipe barimo; Bukuru Jean Christopher wavuye muri Mukura VS, Iradukunda Eric Radu (wavuye muri AS Kigali), Mudeyi Souleiman na Andre Mazimpaka bavuye muri Musanze FC.

Harimo kandi Habimana Hussein Eto’o wavuye muri Police FC, Michael Sarpong Balloteli wavuye muri Dreams FC yo muri Ghana na Fabrice Mugheni basinyishije avuye muri Kiyovu sports.

Nta gihindutse aba nibo bakinnyi bashya iyi kipe yongera mu bo yari isanganywe kuko isoko ryo kugura no kugurisha abakinnyi imbere mu gihugu rirarangira saa sita z’ijoro zo kuri uyu wa Gatanu.

Imyitozo Rayon Sports iri kuyikora yitegura umukino wa gicuti uzayihuza na Gasogi United FC yo mu cyiciro cya kabiri uzabera kuri stade ya Kigali kuri iki cyumweru tariki 7 Ukwakira 2018 saa 15:30.

Naho shampiyona iyi kipe iherutse kwegukana igikombe cy’Agaciro izayitangira tariki 20 Ukwakira 2018 isura Etincelles FC mu Karere ka Rubavu.

Ikipe ya Robertinho na Gatera Moussa iri kwitegura umukino wa gicuti bazahanganamo na Gasogi United
Habineza Olivier murumuna wa Rutanga (imbere) ari mu bakinnyi bakiri bato Rayon Sports izakoresha uyu mwaka
Habimana Hussein Eto'o wari umaze imyaka ibiri muri Police FC yasinyiye Rayon Sports nawe
Fabrice Mugheni agera ku kibuga cy'imyitozo mu Nzove aho Rayon Sports ikorera imyitozo
Abatoza bahise batangira kumukoresha imyitozo
Ku nshuro ya mbere Mudeyi Souleiman yakoze imyitozo muri Rayon Sports nyuma yo kuyisinyira avuye muri Musanze FC
Mazimpaka Andre wari umunyezamu wa Musanze FC yahawe ikaze na Rwarutabura
Mugheni yishimiye uko yakiriwe
Robertinho ufite inshingano zo guhesha Rayon Sports igikombe cya shampiyona akurikirana uko abakinnyi be bashya bitwara,
Tuyishimire Eric bita Congolais Rayon Sports yavanye muri APR FC nawe yatangiye imyitozo
Umutoza Robertinho mbere yo gutangira imyitozo abanza kuganira n'abakinnyi umuntu ku giti cye
Yitezweho gusimbura Yannick Mukunzi ushobora gusinya muri Suède
Urugendo rwo gushaka igikombe cya shampiyona bararuhera kuri Etincelles FC tariki 20 Ukwakira 2018

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza