Kwamamaza

Rayon Sports irahatanira miliyoni 40 mu irushanwa StarTimes yateguye muri Tanzania

Yanditswe kuya 28-11-2016 saa 20:21' na Jah d'eau DUKUZE


Ikipe ya Rayon Sports yo mu Rwanda iri mu makipe umunani yo muri aka karere, yatumiwe kwitabira irushanwa StarTimes yateguye rizabera muri Tanzania kuva ku matariki ya 16-23 Ukuboza 2016.

Ni irushanwa ryateguwe na StarTimes rizitabirwa n’amakipe avuye mu bihugu bya Uganda, Rwanda, Kenya, Congo Kinshasa, Tanzania, na Mozambique. Iri rushanwa rikazahuza amakipe umunani arimo Rayon Sports yo mu Rwanda nkuko twabihamirijwe n’umunyamabanga w’iyi kipe Gakwaya Olivier.

Gakwaya yagize ati: “Ni byo, twarangije kwakira ubutumire bwa StarTimes, ibinyujije mu ishyirahamwe rya ruhago ryo muri Tanzania na babicisha muri Ferwafa”.

“Tuzaryitabira kuko twizera ko bizadufasha kwitegura neza amarushanwa nyafurika, aho dushobora gutombora amwe muri ayo makipe tuzaba duhurirayo”.

Uretse gufasha Rayon Sports kwitegura amarushanwa ya CAF Confederation Cup izahagararimo u Rwanda, iri rushanwa rishobora no guha agatubutse iyi kipe y’i Nyanza, dore ko ikipe izaryegukana izahabwa amadorali ya America 50 000(40 414 000 Frw) mu gihe iya kabiri izatahana ibihumbi 30.

Biteganyijwe ko Rayon Sports izakina umukino wa nyuma muri shampiyona tariki ya 10 Ukuboza ubwo izaba yisobanura na Gicumbi, maze ihite ifata indege igana i Dar es Salaam bukeye bwaho.

StarTimes ifatanyije na Rayon Sports bari bateguye irushanwa nk’iri mu kwezi k’Ukuboza k’umwaka ushize wa 2015, aho igikombe cyegukanywe na AS Kigali itsinze Mukura VS kuri penaliti naho Rayon Sports ibura n’umwanya wa gatatu watwawe na Kiyovu Sports itsinze na yo kuri penaliti.

As Kigali yari yegukanye igikombe, mu irushanwa nk'iri ryabereye i Kigali

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved