00:00:00 IGIHE NETWORK KN KINYARWANDA EN ENGLISH FR FRANCAIS

Rayon Sports Day mu mafoto 100

Yanditswe na IGIHE
Kuya 25 Ukwakira 2021 saa 11:20
Yasuwe :
0 0

“Rayon Sports Day“ cyangwa “Umunsi w‘Igikundiro“ ni umunsi ngarukamwaka utegurwa n’iyi kipe ifite abakunzi batari bake mu Rwanda, ariko ukaba wari wihariye kuri uyu wa 24 Ukwakira 2021 bitewe n’igaruka ku kibuga ry’abafana nyuma y’iminsi igera kuri 590 kubera ingamba zo kwirina ikwirakwira rya COVID-19.

Uyu munsi waranzwe n’ibirori birimo kuririmbirwa n’abahanzi batandukanye, kwerekana abakinnyi n’imyambaro Rayon Sports izakoresha mu mwaka w’imikino wa 2021/22 n’umukino wa gicuti wayihuje na Kiyovu Sports.

Icyari cyihariye ni ibyishimo by‘abakunzi b’umupira w’amaguru mu Rwanda bongeye kwemerewe kugaruka ku kibuga nyuma y’amezi 19 n’iminsi 11 kubera icyorezo cya COVID-19.

Muri Werurwe 2020 ni bwo abafana b‘amakipe atandukanye baherukaga muri stade mbere y’uko mu Rwanda haboneka umurwayi wa mbere wa COVID-19 ku wa 14 Werurwe 2021.

Bamwe mu bafana bitabiriye “Rayon Sports Day“ ku Cyumweru, baganiriye na IGIHE, bagaragaje amarangamutima yiganjemo ibyishimo ariko banagaragaza ko ibiciro bikiri hejuru bitewe n’uko basabwa kujya babanza kwipimisha COVID-19.

Nkundamace ni umwe mu bafana ba Rayon Sports bazwi nk’aba-hooligans. Yavuze ko bitwararitse ku mabwiriza ajyanye no kwirinda COVID-19 kandi bishimiye gusubira ku kibuga.

Ati “Turashimira Minisiteri ya Siporo na FERWAFA batwemereye gusubira kuri Stade nyuma y’imyaka hafi ibiri. Bavugaga ko abakunzi ba Rayon tugira akavuyo ariko mwabonye ko twisanishije n’ibihe turimo kandi twishimye.“

Mugenzi we, Gacuma yagize ati “Rwose ntakubeshye niyo nahita mpfa menya nahita njya mu Ijuru. Twishimiye ko twongeye kwemererwa kugaruka gushyigikira Gikundiro yacu nyuma y’imyaka hafi ibiri. Twiteguye kuzakomeza tuza tugashyigikira ikipe yacu.“

Uwitwa Sarpong w’i Nyamirambo, yagize ati “Njye ndumva nasazwe n’ibyishimo birenze. Umutima wanjye uranezerewe ku buryo utakumva. Twishimiye kugaruka gushyigikira ikipe twihebeye. Nshimiye Minisiteri ya Siporo na FERWAFA kuba yemereye byibura n’abafana 8000 tukaba twagarutse kuri Stade.“

Ikindi aba bafana bose bahurijeho ni ugusaba kugabanya ibiciro byo gupima COVID-19 mu rwego rwo korohereza abakunzi b’umupira w’amaguru kugira ngo babashe kuza gushyigikira amakipe yabo.

Bamwe basabye ko gupimwa COVID-19 byaba 3000 Frw aho kuba 5000 Frw nk’uko bisanzwe. Byibura byose no kwinjira birimo bikaba byafata 5000 Frw.

Abafana bari babukereye nyuma yo kwemererwa gusubira ku kibuga nyuma y'amezi 19
Abafana bategereje kwinjira ku irembo ryo mu Migina
Gacinya Denis wigeze kuyobora Rayon Sports
Ivan Wulffaert uyobora SKOL (ibumoso) yari yitabiriye "Rayon Sports Day"
Rutagambwa Martin aganira na Ruhamyambuga, bombi babaye mu buyobozi bwa Rayon Sports
Sanogo (imbere) na Malta Soares (inyuma) bari mu bakinnyi batakinnye
Abafana bicaye bahanye intera nk'uko biri mu mabwiriza yo kwirinda COVID-19
Abakinnyi na 'Staff Technique' ya Rayon Sports mu mwaka w'imikino wa 2021/22. Ifoto: Rayon Sports
Abakinnyi ba Rayon Sports batakinnye, bagiye kwicara imbere ya VIP
Mujyanama Fidele ni umwe mu bakinnyi batitabajwe ku Cyumweru
Abakinnyi ba Rayon Sports bishyushya mbere yo gukina na Kiyovu Sports
Tuyishime Karim ushinzwe Rayon Sports muri SKOL
Umuhanzi SKY2 ari mu baririmbye kuri "Rayon Sports Day"
Essomba Willy Onana yishyushya nubwo atabanje mu kibuga
Mitima Isaac na we ntiyabanje mu kibuga
Abafana benshi bari banyotewe no kureba umupira bibereye ku kibuga
Perezida wa Rayon Sports, Uwayezu Jean Fidèle, ageza ubutumwa bw'umunsi ku bafana b'iyi kipe
Abasifuzi bayobowe na Rulisa Patience ni bo bayoboye umukino
Abakinnyi babanje mu kibuga ku ruhande rwa Kiyovu Sports
Abakinnyi ba Rayon Sports babanje mu kibuga
Muhire Kevin wa Rayon Sports na Serumogo Ally wa Kiyovu Sports bifotozanya n'abasifuzi
Muhire Kevin yakinnye umukino wa mbere ayoboye bagenzi be mu kibuga
Haringingo Francis utoza Kiyovu Sports (iburyo) ari kumwe na Rwaka Claude na Nduwimana Pablo bamwungirije
Ngendahimana Eric wakinishijwe mu bwugarizi, atera umupira n'umutwe nyuma yo gusimbuka
Umunyezamu wa Kiyovu Sports, Ishimwe Patrick, atera umupira imbere
Ishimwe Kevin acenga Youssef Rharb
Muhire Kevin yahushije uburyo bwabazwe mu gice cya mbere
Mackenzie afunga umupira n'igituza
Nizigiyimana Karim 'Mackenzie ' atwara umupira Mutangana
Nizigiyimana wari wambaye umupira utandukanye n'iy'abandi, ashimira Nishimwe Blaise
Nishimwe Blaise afite umupira mu kibuga
Elo Manga areba Mutangana Derrick nyuma yo kumukinira nabi
Abana batoraguraga imipira ku kibuga
Umutoza wa Rayon Sports, Masudi Djuma, areba uko abakinnyi be bitwara
Sekamana Maxime yakinaga inyuma iburyo
Mugenzi Bienvenu yishimira igitego cya kabiri cya Kiyovu Sports
Mugenzi yahawe ikarita y'umuhondo kubera gukuramo umupira
Essomba Willy Onana yatsindiye Rayon Sports kuri penaliti
Mutangana Derrick atonganywa na Mackenzi nyuma yo gukinira nabi Youssef Rharb
Serumogo Ally agerageza kwambura Youssef Rharb
Nizigiyimana Karim 'Mackenzie' ahindura umupira ubwo yari asatiriwe na Ngendahimana Eric
Iranzi Jean Claude yagiye mu kibuga asimbuye
Steve Elo Manga agerageza kwima umupira Ngandu Omar
Abakinnyi ba Kiyovu Sports bashimira abafana babo ubwo umukino wari urangiye

Amafoto: Yuhi Augustin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .