Kwamamaza

Police FC yatsinze Gicumbi ijya imbere ya APR FC na Rayon Sports

Yanditswe kuya 4-11-2016 saa 20:02' na Jah d'eau DUKUZE


Ibitego bya Usengimana Danny na Mico Justin, bitumye ikipe ya Police FC ifata umwanya wa kabiri ku rutonde rw’agateganyo rwa shampiyona, nyuma yo gukura intsinzi kuri Gicumbi y’ibitego 2-0.

Police FC yatangiye nabi uyu mwaka wa shampiyona itsindwa na Rayon Sports 3-0, gusa iza kugaruka neza itsinda Bugesera 2-1 ndetse inatsindira Amagaju iwayo ibitego 2-0. Iyi yari yakiriye Gicumbi ku Kicukiro, yo yaherukaga kunyagira Kiyovu Sports 4-1, nyuma yo kunganya na APR FC 1-1.

Umukino wo kuri uyu wa gatanu ariko ntabwo wakinwe nkuko wari witezwe, kuko Police FC yarushije Gicumbi ku buryo bugaragara, byanatumye irangiza igice cya mbere itsinze ibitego 2-0. Ku mupira wa Muvandimwe Jean Marie, Danny Usengimana yafunguye amazamu atsinda igitego cye cya gatatu muri shampiyona, ni mbere yo kubona Mico Justin arangiriza mu izamu umupira wari uturutse kwa Jean Paul ku munota wa 42.

Gutsinda uyu mukino, byahise bishyira Police FC ku mwanya wa kabiri n’amanota icyenda inganya na Sunrise ya mbere. Iyi kipe yo mu Burasirazuba ariko, iza ku mwanya wa mbere kugeza magingo aya, dore ko izigamye ibitego bitanu mu gihe Police izigamye bibiri.

Shampiyona izakomeza kuri uyu wa gatandatu aho ikipe ya Rayon Sports izaba yerekeza kuri stade Umuganda mu mukino na Marines FC. Uyu mukino wagombaga gukinwa ku cyumweru gusa uza kwigizwa imbere ushyirwa kuwa gatandatu kubera abakinnyi bane b’iyi kipe y’i Nyanza bari mu bahamagawe kuzitabira ubutumire bw’ Amavubi U20 azerekeza muri Maroc kuwa mbere tariki 7/11.

APR FC idafite Imran Nshimiyimana na Sekamana Maxime, izaba yerekeje ku kibuga cya Nyakinama gukina na Musanze iheruka gutsindira Etincelles i Rubavu, mu mukino ushobora kuyishyira ku mwanya wa mbere iramutse iwitwayemo neza. Sunrise yo, bizayisaba gutegereza kuwa cyumweru, ngo ibe yakomeza agahigo kayo ko kudatsindwa igitego, ni mu mukino izaba yasuyemo pépinière ya nyuma i Runda.

Uko imikino ya shampiyona izaba ikinwa ku munsi wa kane

Kuwa gatandatu tariki ya 5 Ugushyingo

  • Mukura VS vs SC Kiyovu (Huye, 15:30)
  • Kirehe Fc vs Etincelles Fc (Kirehe, 15:30)
  • Musanze Fc vs APR Fc (Nyakinama, 15:30)
  • Espoir Fc vs Amagaju Fc (Rusizi, 15:30)
  • Marines Fc vs Rayon Sports (Umuganda, 15:30)
  • AS Kigali vs Bugesera Fc (Stade de Kigali, 15:30)

Ku cyumweru tariki ya 6 Ugushyingo

  • Pepiniere Fc vs Sunrise Fc (Ruyenzi, 15:30)
Danny Usengimana ni we wafunguye amazamu
Mico Justin ashyiramo icya kabiri
Igice cya mbere cyarangiye ari ibitego 2-0
Uretse gutsinda igitego, Mico yanatowe nk'umukinnyi w'umukino
...
Mico yitwaye neza kuri uyu mukino
Ubuyobozi bwa Police FC bwashimye abakinnyi nyuma y'uyu mukino

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved