Perezida wa FIFA yifatanyije n’Abanyarwanda mu Kwibuka Jenoside yakorewe Abatutsi

Yanditswe na Eric Tony Ukurikiyimfura
Kuya 8 Mata 2021 saa 04:39
Yasuwe :
0 0

Perezida w’Ishyirahamwe ry’Umupira w’Amaguru ku Isi (FIFA), Gianni Infantino, yoherereje FERWAFA ubutumwa bwo kwifatanya n’Abanyarwanda muri ibi bihe byo Kwibuka ku nshuro ya 27 Jenoside yakorewe Abatutsi mu 1994.

Mu ibaruwa yandikiye Perezida wa FERWAFA, Rtd Brig Gen Sekamana Jean Damascène, Gianni Infantino yavuze ko mu izina rya FIFA n’izindi nshuti zo mu mupira w’amaguru ku rwego mpuzamahanga, bifatanyije n’u Rwanda mu Kwibuka Abatutsi barenga miliyoni imwe bishwe muri Jenoside.

Yagize ati “Uyu munsi abantu benshi hirya no hino ku Isi barizihiza umunsi mpuzamahanga wo Kwibuka abazize Jenoside yakorewe Abatutsi mu Rwanda mu 1994.”

"Mu izina rya FIFA n’inshuti zanyu mu muryango mugari mpuzamahanga w’umupira w’amaguru, turashaka kugaragaza bituvuye ku mutima ko twifatanyije namwe mu Kwibuka Jenoside ku nshuro ya 27."

"Ni igihe cyo kwibuka abarenga miliyoni bishwe, tukemeza ko aya makuba atazigera yibagirana kandi ko atazigera yongera kubaho ukundi, nidufatanya tuzubaka ejo hazaza heza.”

Yasoje agira ati “Mbifurije gukomera no guhirwa mu iterambere ry’umupira w’amaguru mu Rwanda, nshuti perezida tuzongere tubonane vuba.”

Gianni Infantino yaherukaga mu Rwanda muri Gashyantare uyu mwaka ubwo hafungurwaga icyicaro cya FIFA cyigamije iterambere ku rwego rw’akarere (FIFA Regional Develepment Office).

Umuyobozi mukuru wa FIFA yasuye kandi urwibutso rwa Jenoside rwa Kigali ruri ku Gisozi, yunamira abatutsi basaga 250 bahashyinguwe, ubwo yari mu Rwanda muri Gashyantare 2017.

Perezida wa FIFA, Gianni Infantino, yifatanyije n’Abanyarwanda mu Kwibuka ku nshuro ya 27 Jenoside yakorewe Abatutsi mu 1994

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .