00:00:00 IGIHE NETWORK KN KINYARWANDA EN ENGLISH FR FRANCAIS

Pasiteri Ndolimana Emmanuel wasigiwe Etincelles Fc yeguye ku buyobozi

Yanditswe na Habimana Sadi
Kuya 8 Nyakanga 2021 saa 11:57
Yasuwe :
0 0

Nyuma y’ukwezi Hitayezu Dirigeant wayoboraga Etincelles FC yeguye ku nshingano zo kuyobora iyi kipe na Ndolimana Emmanuel yayisigiye yasezeye ku buyobozi bwayo ku mpamvu yavuze ko zatewe n’akazi kenshi afite bikaba bitamworoheraga kubihuza.

Inkuru yo kwegura kwa Pasiteri Ndolimana Emmanuel yamenyekanye kuri uyu wa Kane, tariki ya 8 Nyakanga 2021.

Umunyamabanga Nshingwabikorwa wa Etincelles FC, Kabanda Innocent, yemereye IGIHE aya makuru, avuga ko Pasiteri Ndolimana asimburwa n’uwari amwungirije mu gihe hari gutegurwa ikipe y’umwaka utaha.

Ati “Nibyo twakiriye ibaruwa [ya Pasiteri Ndolimana] isezera ku buyobozi bw’ikipe kubera umwanya muke n’akazi kenshi. Ubu ikipe iraba iyobowe na Ndagijimana Enock, Visi Perezida ushinzwe Ubukungu mu gihe hataratorwa undi, tunategura uko ikipe yakwiyubaka duhereye mu gushaka umutoza mushya uzatoza ikipe mu mwaka w’imikino utaha.”

Nkuko amakuru IGIHE yamenye abyemeza, kumusimbura haravugwa Ndaribumbye Vincent wigeze kuyiyobora mu myaka yashize akayigeza ku mwanya wa kane ndetse bikayihesha itike yo gukina Igikombe cy’Agaciro.

Pasiteri Ndolimana Emmanuel yeguye ari muri Libéria, ari naho amaze iminsi arimo gukorera mu bihugu by’u Burengerazuba mu mishinga yo gufasha kuvura abafite ibibazo by’ubuzima.

Andi makuru ari kuvugwa muri iyi kipe, aravuga ko Bisengimana Justin umaze umwaka umwe muri Rutsiro FC, ashobora kuyerekezamo.

Pasiteri Ndolimana Emmanuel na we yamaze kwegura ku buyobozi bwa Etincelles FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .