Kwamamaza

Palestine mu makipe azakina n’Amavubi mu irushanwa ryo muri Maroc

Yanditswe kuya 8-11-2016 saa 16:35' na Manzi Rema Jules


Ikipe y’Igihugu Amavubi y’Abatarengeje imyaka 20 yerekeje muri Maroc aho igiye kwitabira irushanwa ’1st Partners U20 Tournament’ ryateguwe n’Ishyirahamwe ry’umupira w’amaguru muri iki gihugu yamaze kumenya amakipe izahura nayo.

Iri rushanwa rizakinirwa mu Mujyi wa Rabat, kuva kuri uyu wa Kane, tariki ya 10 kugeza kuya 13 Ugushyingo 2016, rizahuza ibihugu bine birimo Maroc yariteguye, Burkina Faso, u Rwanda ndetse na Palestine, zose zaje zitumiwe.

Umukino urifungura uzahuza u Rwanda na Maroc.

Abasore 20 bayobowe n’umutoza Mashami Vincent bahagurutse mu Rwanda ku Cyumweru tariki ya 6 Ugushyingo 2016 berekeza muri Maroc mu irushanwa batumiwemo ku bufatanye Ishyirahamwe ry’umupira w’amaguru muri iki gihugu rifitanye na Ferwafa, basesekaye mu Mujyi wa Kenintra aho bacumbitse ku wa Mbere.

U Rwanda rwajyanye intego yo kwitwara neza muri iri rushanwa rihuza abatarengeje imyaka 20 rigamije gufasha abakiri bato kugaragaza impano zabo mu rwego rwo gutegura abakinnyi beza b’ejo hazaza.

Iri rushanwa rgiye gukinwa ku nshuro ya mbere rihuza amakipe y’ibihugu afitanye amasezerano y’imikoranire n’Ishyirahamwe ry’Umupira w’amaguru muri Maroc.

Nyuma y’irushanwa amakipe amaze guhura hagati yayo, hazabarwa amanota yabonye harebwa iyabaye iya mbere.

Abakinnyi 20, Mashami Vincent yajyanye muri Maroc:

Abazamu: Hategikimana Bonheur (SC Kiyovu) na Kimenyi Yves (APR FC)

Ba myugariro: Nsabimana Aimable (APR FC), Ndikumana Patrick (Mukura VS), Niyonkuru Aman (Bugesera FC), Sibomana Arafat (Amagaju Fc), Ahoyikuye Jean Paul (SC Kiyovu), Mugisha François (Rayon Sports)

Abakina hagati: Ntwari Jacques (Bugesera FC), Nshuti Savio Dominique (Rayon Sport), Nkinzingabo Fiston (APR FC), Muhire Kevin (Rayon Sports), Yamini Salum (SC Kiyovu),

Abataha izamu: Itangishaka Blaise (APR FC), Niyibizi Vedaste (Sunrise FC), Nshuti Innocent (APR Fc), Manishimwe Djabel (Rayon Sports), Biramahire Abeddy (Police FC), Kwizera Trésor (Mukura VS) na Usabimana Olivier (Marines FC).

Amavubi azatangira ahangana na Maroc yateguye irushanwa
Palestine yatumiwe mu makipe azakina irushanwa ryo muri Maroc, ririmo n'u Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved