Kwamamaza

Nyamagabe yagabanyije amafaranga yahaga Amagaju

Yanditswe kuya 11-09-2016 saa 07:38' na Jah d'eau DUKUZE


Inteko rusange y’ikipe y’Amagaju, yemeje ko ingengo y’imari y’iyi kipe mu mwaka utaha wa shampiyona izazamuka ikagera kuri miliyoni zisaga ijana na cumi n’umunani, nubwo ayo bahabwaga n’akarere yagabanutseho miliyoni icumi.

Iyi nteko rusange yabereye i Nyamagabe kuri uyu wa gatandatu, yigiye hamwe ingingo zitandukanye ahanini basesengura umusaruro iyi kipe yabonye mu mwaka wa shampiyona ushize,ari nako bategura uburyo izabaho mu mwaka utaha bitari byamenyekana igihe uzatangirira.

Bimwe mu byavugiwe muri iyi nteko, harimo kwishimira uburyo umutungo wacunzwe mu mwaka wa shampiyona ushize aho ku ngengo y’imari yari yateganyijwe basanze harasagutse miliyonii ebyiri z’amanyarwanda. Aba baboneyeho kwemeza ko ikipe y’Amagaju izazamura ingengo y’imari yakoreshaga, ikagera kuri miliyoni zirenga 117(117 980 000 frw), zivuye kuri miliyoni 107 zakoreshejwe mu mwaka wa shampiyona wa 2016-2017.

Inteko rusange y'Amagaju yishimiye urwego ikipe yabo igezeho

Aya mafaranga akazava mu bafatanyabikorwa batandukanye, barimo Ferwafa, abafana ndetse n’akarere ka Nyamagabe. Aka karere, kakaba kazatanga miliyoni 78 (78 000 000Frw) mu gihe mu mwaka ushize kari kahaye iyi kipe yo mu majyepfo miliyoni zigera kuri 90.

Nubwo akarere kagabanyije amafaranga kashyiraga mu ikipe, Umuyobozi w’Akarere ka Nyamagabe, Mugisha Philbert,yadutangarije ko aya mafaranga hari uburyo bazafasha ikipe kuyabona.

Ati “Ntabwo twavuga ko twagabanyije amafaranga twashyiraga mu ikipe kuko iyo urebye ibikorwa bindi tuzabakorera, usanga ahubwo amafaranga aziyongera."

“Ubu turi kubafasha mu bijyanye n’ubukangurambaga, aho tumanuka mu baturage tubashishikariza gutera inkunga ikipe. Kugeza ubu turizera ko bizagenda neza cyane."

Mayor Mugisha(wa mbere iburyo) yizeye kuzesa imihigo mu ikipe y'Amagaju nkuko akarere ayoboye kabigenza

Umuyobozi w’Akarere ka Nyamagabe yabaye iiya gatanu mu mihigo y’uturere yashyizwe hanze kuri uyu wa gatanu, asanga no mu ikipe y’Amagaju batakagiye kure y’iyo ntumbero.

Ati “Birumvikana ko kuba twaraje imbere mu mihigo isazwe, bigomba no gukomereza mu ikipe. Turifuza ko mu mwaka utaha wa shampiyona twaza byibura mu myanya umunani ya mbere."

Uretse ingengo y’imari, muri iyi nteko rusange hanavuzwemo gahunda yo gukorera abanyamuryango amakarita abaranga, azava ku bihumbi 100 kugeza ku bihumbi 10. Aha, byemejwe ko nta munyamuryango uzajya ugira ijambo mu nama y’inteko rusange mu gihe adafite nibura imwe muri ayo makarita.

Inteko rusange yanemeje umushinga wo kwandikisha ikipe y’abana y’Amagaju mu cyiciro cya kabiri, ndetse no gufasha amashuri ya ruhago ari hirya no hino mu karere. Amagaju yaguze abakinnyi batandukanye barimo Shaban Hussein ukinira Intamba ku Rugamba, yanakinnye umukino wa gicuti na Bugesera, usozwa amakipe yombi anganyije 0-0.

Amagaju yanganyije na Bugesera 0-0
Shabani Hussein uzwi nka Tchabalala ni umwe mu bakinnyi bashya b'ikipe y'Amagaju
Ruhinda Faruk na Iradukunda Bertrand bahoze bakinira muri APR FC bagaragaye mu myenda ya Bugesera
Na Olivier Kwizera...

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved