Kwamamaza

Nshuti Savio na Niyibizi Vedaste bafashije Amavubi gusoza urugendo rwo muri Maroc

Yanditswe kuya 14-11-2016 saa 14:45' na Manzi Rema Jules


Ikipe y’Igihugu y’abatarengeje imyaka 20 yari imaze iminsi muri Maroc aho yari yagiye gukina imikino ya gicuti, nyuma yo gutsindwa n’iki gihugu ibitego 2-0 mu mukino ubanza wabaye tariki tariki 10 Ugushyingo, kuri iki Cyumweru Amavubi yihagazeho ayitsinda 2-1.

Ibitego bibiri by’Amavubi yari ayobowe n’Umutoza Mashami Vincent, byatsinzwe na Vedaste Niyibizi na Savio Nshuti Dominique, byanatumye bagera ku ntego bari bajyanye yo kwitwara neza.

U Rwanda rwari rwagiye muri Maroc kwitabira irushanwa rya 1st Partners U20 Tournament ryari ryateguwe n’Ishyirahamwe ry’umupira w’amaguru muri iki gihugu, ryagombaga guhuza ibihugu bitanu bafitanye ubufatanye birimo u Rwanda, Burkina Faso, Cameroun na Palestine ariko ibindi byose biza guhakana ku munota wa nyuma, ntibyitabira.

Byabaye ngombwa ko u Rwanda rukina imikino ibiri ya gicuti n’iki gihugu mu rwego rwo gufasha abakinnyi bari munsi y’imyaka 20 kwigaragaza.

Umukino wa mbere wabahuje u Rwanda rwatsinzwe na Maroc ibitego 2-0, uwo kwishyura narwo ruyihimuraho ruyistinda 2-1.

Biteganyijwe ko iyi kipe igaruka mu Rwanda kuri uyu wa Kabiri kugira ngo abakinnyi barimo basanzwe bafite amakipe mu cyiciro cya mbere bakinira bajye gukomeza kwitegurana na bagenzi babo imikino ya Shampiyona izasubukurwa tariki 18 Ugushyingo hakinwa imikino y’umunsi wa gatanu.

Mu mikino ibiri, u Rwanda rwakinnye na Maroc rwatsinze umwe, rutsindwa undi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved