Kwamamaza

Nshimiyimana Amran wa APR FC yarushinze na Mukamisha Asna

Yanditswe kuya 27-11-2016 saa 14:52' na Jah d'eau DUKUZE


Umukinnyi wo hagati w’ikipe ya APR FC, Amran Nshimiyimana, yaraye ahamirije inshuti n’ababyeyi ko we na Mukamisha Asna bagiye kubana akaramata, nyuma yo kumara imyaka itari mike bakundana.

Amran Nshimiyimana wari umaze icyumweru asezeranye na Mukamisha imbere y’amategeko, kuri uyu wa Gatandatu tariki 26 Ugushyingo ni bwo ababyeyi baje kubiha umugisha ndetse n’inshuti mu mihango yabereye i Kanombe yaje ikurikira iyo gusaba no gukwa, yari yabereye i Gikondo kuri uyu wa Gatanu.

Imran na Asna bagiye kubana akaramata

Uyu muhango witabiriwe n’inshuti zitandukanye z’uyu mukinnyi, ntabwo wagaragayemo abakinnyi benshi ba APR FC, ahanini kuko batari bakageze mu Rwanda nyuma yo kwerekeza muri Congo Brazzaville mu irushanwa bari batumiwemo ariko bakaza gusezererwa rugikubita, aho biteganyijwe ko basesekara i Kigali kuri iki Cyumweru.

Uretse gushimira abari bitabiriye ibirori ndetse no guhamya ko Mukamisha Asna azamukunda kugeza ku iherezo ry’ubuzima bwe; Nshimiyimana Amran yaje no gutungura umutoza Kayiranga Baptiste, amuha impano yo kumushimir ko aho ageze ari we wahamugejeje.

Kayiranga Baptiste wahaye Imran amahirwe yo gukina ubwo yatozaga AS Kigali, we yaje gutangaza ko ari ubwa mbere umukinnyi amukorera ikintu nk’icyo nyamara azwiho kuba yarazamuye abakinnyi benshi muri iki gihugu. Ibi, byatumye aba bombi ikiniga kibafata.

Imran Nshimiyimana ntabwo yahiriwe n’intangiriro ze mu ikipe ye nshya ya APR FC, dore ko yaje kuvunikira mu mikino ya gisirikare iyi kipe yakinnye mbere y’uko shampiyona itangira, none n’ubu akaba atari yashobora kugaruka mu kibuga. Uyu ariko mbere gato yo gukora ubukwe, akaba yari yaratangiye imyitozo yoroheje.

Asna na Imran bari bamaze iminsi bakundana
Kuri ubu amategeko abemerera kubana
Ndetse Asna yaje gusabwa ababyeyi be...
... Aza gutangwa bose babyumva
Bahawe amata...
Kuri ubu Asna ni umugore wa Imran
Umugabo uhiriwe!

Andi mafoto y’ibirori ni mukanya...


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved