00:00:00 IGIHE NETWORK KN KINYARWANDA EN ENGLISH FR FRANCAIS

Nsanzimfura na Ishimwe Anicet bongereye amasezerano muri APR FC

Yanditswe na Eric Tony Ukurikiyimfura
Kuya 10 Nzeri 2021 saa 08:02
Yasuwe :
0 0

Nsanzimfura Keddy na Ishimwe Anicet, bombi bujuje imyaka 18 mu kwezi gushize, bongereye amasezerano y’imyaka ibiri muri APR FC.

Aba bakinnyi bombi bari bagifite umwaka umwe mu Ikipe y’Ingabo.

Amakuru IGIHE yamenye ni uko aba bakinnyi bamaze kongererwa amasezerano, buri umwe agasinya indi myaka ibiri.

Nsanzimfura Keddy amaze umwaka umwe muri APR FC nyuma yo kuyigeramo avuye muri Kiyovu Sports yari amazemo imyaka ibiri.

Ishimwe Anicet yazamuwe mu Ikipe nkuru ya APR FC mu mwaka w’imikino wa 2019/20, umukino we wa mbere yakinnye ni uwo APR FC yatsinzemo Gasogi United ibitego 3-2 muri Shampiyona.

Nubwo atari umukinnyi wabonye iminota myinshi yo gukina mu mwaka ushize w’imikino wa 2020/21, yagize uruhare mu gikombe cya kabiri cya Shampiyona APR FC yatwaye idatsinzwe, ayifasha gutsinda umukino wa Rayon Sports ku gitego 1-0 cyabonetse ku munota wa 90.

Muri Gashyanyare 2020, byigeze kuvugwa ko ashobora kwerekeza muri Anderlecht y’abana mu Bubiligi ariko ntibyakunze.

Kuri ubu, aba bakinnyi bombi bari kumwe na bagenzi babo muri Djibouti, aho APR FC izakirwa na Mogadishu City Club yo muri Somalia mu mukino ubanza w’ijonjora rya mbere rya CAF Champions League uzaba ku Cyumweru.

Nsanzimfura Keddy (23) na Ishimwe Anicet (26), bombi bongereye amasezerano y'imyaka ibiri muri APR FC nyuma y'uko bujuje imyaka 18
Nsanzimfura Keddy amaze umwaka umwe muri APR FC nyuma yo kuva muri Kiyovu Sports
Ishimwe Anicet amaze imyaka ibiri mu Ikipe nkuru ya APR FC yazamuwemo mu mwaka w'imikino wa 2019/20

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .