Kwamamaza

Neymar yasabiwe gufungwa imyaka ibiri

Yanditswe kuya 24-11-2016 saa 08:00' na Manzi Rema Jules


Umunya-Brazil Neymar Jr Santos ukinira FC Barcelona, yasabiwe n’ubushinjacyaha bwa Espagne gufungwa imyaka ibiri kubera ibyaha akurikiranyweho bifitanye isano na ruswa inugwanugwa mu igurwa rye ubwo yavaga muri Santos y’iwabo ajya muri iyi kipe yo muri Espagne mu 2013.

Uretse Neymar, kuri uyu wa Gatatu, umucamanza Jose Perals yasabiye uwahoze ari umuyobozi wa FC Barcelona, Sandro Rosell, gufungwa imyaka itanu anaca amande ya miliyoni 7.18 z’ama-pound iyi kipe. Yasabye kandi ko Perezida w’iyi kipe uriho ubu, Josep Maria Bartomeu kweguzwa.

Kuva muri 2013 Neymar yagurwa na FC Barcelona imukuye muri Santos yo muri Brazil, ibirego bijyanye na ruswa no kunyereza imisoro muri iryo gurwa ntibyigeze bihagarara ndetse muri 2014 byatumye Sandro Rosell wari umaze imyaka ine ari Perezida w’iyi kipe ari nawe wagize uruhare mu igurwa ry’uyu mukinnyi yegura.

Ubu noneho ibi birego byongeye kubyutswa n’ikompanyi yo muri Brazil, DIS, yari ifite imigabane ya 40% ku gaciro ka Neymar ivuga ko yahawe amafaranga make cyane igereranyije n’ayo uyu mukinnyi yaguzwe bitewe n’amakosa yakozwe na FC Barcelona n’umukinnyi ubwo batangazaga amafaranga uyu mukinnyi yaguzwe atari yo.

Muri Kamena uyu mwaka, FC Barcelona yari yishyuye amande ya miliyoni 4.7 z’ama-pound yanga kujyanwa mu nkiko bitewe n’ayo makosa avugwa mu igurwa rya Neymar.

Nubwo byasaga nk’aho ibi birego byarangiye, ubushinjacyaha muri iki gihugu bwongeye kubibyutsa muri Nzeri butegeka ko urubanza rukomeza.

Neymar si we mukinnyi wa FC Barcelona ukurikiranyweho ibyaha bya ruswa no kunyereza imisoro kuko Lionel Messi na se, bakatiwe gufungwa amezi 21 muri Nyakanga kubera ibyo byaha.

Messi yanaciwe amande ya miliyoni 1.7 z’ama-paound akekwaho kunyereza imisoro yo kuva mu 2007 kugeza mu 2009, mu gihe umubyeyi we yaciwe amande ya miliyoni 1.3 z’ama-pound.

Bitewe n’amategeko ya Espagne, birashoboka ko aba bose nta n’umwe uzajya muri gereza kuko ateganya ko igihano cyose kiri munsi y’imyaka ibiri gishobora kwishyurwamo amafaranga ariko icyemezo kigafatwa n’urukiko.

Neymar yasabiwe igifungo cy'imyaka ibiri ashinjwa kugira uruhare mu buriganya bwagaragaye mu igurwa rye
Messi (uwa kabiri iburyo) bakinana nawe yajyanywe mu nkiko kubera icyaha cyo kunyereza imisoro
Messi na se umubyara bashinjwe kunyereza imisoro y'imyaka hafi itatu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved