Kwamamaza

Rwigema Yves warwaye bitunguranye yakuwe muri 11 ba Rayon Sports

Yanditswe kuya 26-11-2016 saa 13:55' na Manzi Rema Jules


Myugariro wa Rayon Sports Rwigema Yves wafashwe na malaria yahise akurwa ku rutonde rw’abakinnyi iyi kipe igomba gukoresha kuri uyu wa Gatandatu tariki 26 Ugushyingo ihanganye na Bugesera FC mu mukino w’ishiraniro ubera kuri Stade ya Kigali i Nyamirambo saa cyenda n’igice.

Rwigema Yves wari wigaragaje cyane ku mukino uheruka, ikipe ye yatsinzemo Sunrise FC igitego kimwe ku busa ndetse akayifasha gukomeza agahigo ifite uyu mwaka ko kuba itarinjizwa igitego ntaza kugaragara kuri uyu munsi bakina na Bugesera FC itozwa na Mashami Vincent.

Umutoza wa Rayon Sports, Masoudi Djouma akaba yahisemo kugarura mu kibuga Jean d’Amour Nzayisenga bakunze kwita ‘Mayor’.

Rayon Sports ishaka gukomeza kongera ikinyuranyo n’amakipe bahanganiye igikombe itsinda Bugesera FC iraza kuba idafite kandi Ishimwe Kevin na Senyange Yvan bafite imvune, mu gihe Umurundi Nahimana Shasiir uherutse kugira ibyago byo kubura umuvandimwe we, nubwo yagarutse mu myitozo, umutoza yahisemo kutamukinisha uyu munsi.

Rayon Sports itaratakaza umukino n’umwe muri shampiyona iri ku mwanya wa mbere n’amanota 13 ku rutonde rw’agateganyo, igiye guhura na Bugesera FC ya munani aho ifite amanota umunani mu mikino itanu imaze gukinwa.

Abakinnyi 11 babanza mu kibuga Rayon Sports ikina na Bugesera FC:

Umunyezamu: Ndayishimiye Eric Bakame

Ba myugariro: Eric Irambona, Manzi Thierry, Munezero Fiston, na Jean d’Amour Nzayisenga ‘Mayor’

Abakina hagati: Niyonzima Olivier Sefu, Kwizera Pierrot na Mugheni Fabrice

Abasatira izamu: Moussa Camara, Manishimwe Djabel na Nshuti Dominique Savio

Imikino yose y’umunsi wa Gatandatu wa shampiyona:

Kuwa Gatatu, tariki 23 Ugushyingo 2016

AS Kigali 1-0 Gicumbi Fc

Kuwa Gatandatu, tariki 26 Ugushyingo 2016

- Rayon Sports vs Bugesera Fc (Stade de Kigali)

- Espoir Fc Vs Mukura VS (Rusizi)

- Marines Fc vs Amagaju Fc (Stade Umuganda)

- Pépinière Fc vs APR Fc (warasubitswe uzakinwa tariki 14 Ukuboza 2016)

Ku Cyumweru tariki 27 Ugushyingo 2016

- Musanze Fc vs Police Fc (Nyakinama)

- Kirehe Fc vs SC Kiyovu (Ngoma)

- Etincelles Fc vs Sunrise Fc (Stade Umuganda)

Rwigema Yves yafashwe na malariya ahita akurwa ku rutonde rw'abakinnyi Masoudi yifashisha ku mukino wa Bugesera FC
Nahimana Shasiir (hagati) nawe ntiyashyizwe mu kibuga nubwo ari umwe mu bakinnyi bitwaye neza mu mikino iheruka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved