00:00:00 IGIHE NETWORK KN KINYARWANDA EN ENGLISH FR FRANCAIS

Muvandimwe ukinira Police FC yasezeranye na Umwari imbere y’amategeko (Amafoto)

Yanditswe na Habimana Sadi
Kuya 25 Kamena 2021 saa 07:13
Yasuwe :
0 0

Nyuma y’iminsi ine gusa asabye umukunzi we kuzamubera umugore w’isezerano, myugariro w’ibumoso muri Police FC, Muvandimwe Jean Marie Vianney na Umwari Rurangwa Irène ukwi ku izina rya Soleil, basezeranye imbere y’amategeko ko biyemeje kubana nk’umugore n’umugabo.

Ku wa 20 Kamena 2021 nibwo uyu myugariro yari yateye ivi hasi asaba umukunzi we ko yazamubera umugore w’isezerano. Ni ibirori byari byabereye muri The Manor Hotel iherereye i Nyarutarama ndetse biba hubahirijwe ingamba zo kwirinda Covid-19.

Ku wa 22 Kamena 2021 nibwo Muvandimwe na Umwari basezeraniye mu Murenge wa Nyakanda mu Karere ka Nyarugenge, ko biyemeje kuzabana mu buryo bwemewe n’amategeko nk’umugore n’umugabo.

Uyu myugariro yemereye IGIHE ko indi mihango irimo gusezerana imbere y’Imana no kwakira inshuti n’abavandimwe, izaba ubwo icyorezo cya Covid-19 kizaba gicishije make.

Ubushize ubwo twaganiraga, Muvandimwe yavuze ko we na Umwari bamaze imyaka igera ku munani bakundana.

Ni umusore nawe uri mu mpera z’amasezerano ye muri Police FC amazemo imyaka igera kuri itandatu. Gusa nyuma yo kongera amasezerano arimo gusoza, yagowe n’ibibazo by’imvune byaje no kumuviramo gutakaza umwanya ubanzamo.

Babiherewe icyangombwa kigaragaza ko barahiriye kuzabana nk'umugore n'umugabo
Muvandimwe na Umwari bemeranyije ko bagiye kubana nk'umugore n'umugabo
Yanabisinyiye
Muvandimwe JMV yarahiriye ko yemeye ko Umwari amubera umugore mu buryo bwemewe n'amategeko
Muvandimwe ataravunika yabanzagamo muri Police FC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .