00:00:00 IGIHE NETWORK KN KINYARWANDA EN ENGLISH FR FRANCAIS

Mutsinzi Ange yaguzwe miliyoni 150 Frw n’ikipe yo muri Portugal

Yanditswe na Eric Tony Ukurikiyimfura
Kuya 23 Kanama 2021 saa 03:16
Yasuwe :
0 0

Myugariro wo hagati, Mutsinzi Ange wakiniraga APR FC, yaguzwe na Clube Desportivo Trofense yo mu Cyiciro cya Kabiri muri Portugal, atanzweho hafi miliyoni 150 Frw ku myaka ibiri.

Mutsinzi Ange yasoje amasezerano y’imyaka ibiri yari afite muri APR FC ku mpera z’umwaka w’imikino wa 2020/21.

Kuri uyu wa Mbere, Clube Desportivo Trofense yo mu Cyiciro cya Kabiri muri Portugal, yatangaje ko yamusinyishije amasezerano y’imyaka ibiri.

Amakuru IGIHE yamenye ni uko yatanzweho hafi miliyoni 150 Frw (ibihumbi 150$) mu gihe APR FC izabonamo miliyoni 30 Frw.

Ku wa 27 Nyakanga 2021, uyu mukinnyi wo mu mutima w’ubwugarizi ni bwo yari yavuye mu Rwanda agiye mu igeragezwa mu Ikipe ya Oud – Heverlee Leuven yo mu Bubiligi.

Mutsinzi w’imyaka 23, yageze muri APR FC muri Nyakanga 2019, avuye muri Rayon Sports na yo yakiniye imyaka ibiri nyuma yo kuva muri AS Muhanga.

Yabaye umukinnyi wa gatatu wa APR FC uguzwe n’ikipe yo hanze mu mezi abiri ashize, nyuma ya Manzi Thierry wagiye muri Georgia na Imanishimwe Emmanuel wagiye muri FAR Rabat yo muri Maroc.

Mutsinzi ni umwe mu bakinnyi 39 bahamagawe n’umutoza Mashami Vincent ku mikino ya Mali na Kenya izaba mu kwezi gutaha, ariko ntibiramenyekana niba azitabira ubu butumire bw’Ikipe y’Igihugu.

Mutsinzi Ange yasinyiye CD Trofense yo mu Cyiciro cya Kabiri muri Portugal
Mutsinzi waherukaga gusoza amasezerano muri APR FC, yatanzweho ibihumbi 150$

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .