Musanze FC na Sunrise FC zasabye kwemererwa gusubukura imyitozo

Yanditswe na Eric Tony Ukurikiyimfura
Kuya 3 Mata 2021 saa 08:43
Yasuwe :
0 0

Amakipe yo mu Cyiciro cya Mbere mu Rwanda akomeje gusaba uburenganzira bwo gusubukura imyitozo, agaragaza ko yujuje ibisabwa. Musanze FC na Sunrise FC ziri mu yanditse ku wa Gatanu.

Ku wa Kane w’iki Cyumweru ni bwo komisiyo yihariye ya FERWAFA yatangiye gusura amakipe ireba niba yujuje ibisabwa kugira ngo yemererwe gusubukura imyitozo.

Ni mu gihe kandi n’andi atarasurwa, asabwa kumenyesha Ubunyamabanga bwa FERWAFA niba yiteguye kubahiriza amabwiriza yahawe, bityo akaba yasurwa, byaba ngombwa akemererwa.

Musanze FC na Sunrise FC ni amwe mu makipe yanditse ku wa Gatanu tariki ya 2 Gicurasi.

Ubuyobozi bwa Musanze FC bwandikiye FERWAFA bugira buti “Tubandikiye tubamenyesha ko mwatwemerera uburenganzira bwo gutangira imyitozo kuko ibyo twasabwe kuzuza kugira ngo dutangire imyitozo tubyujuje.”

Sunrise FC na yo yanditse igira iti “Tubandikiye tugira ngo tubasabe gusubukura imyitozo y’ikipe ndetse tunabagaragarize aho ikipe ya Sunrise FC izakorera umwiherero ndetse n’abakozi bazakurikirana ishyirwa mu bikorwa ry’amabwiriza yo kwirinda COVID-19.”

Kugeza ubu amakipe atatu amaze kwemerera gusubukura imyitozo ni AS Kigali ipimisha abakozi bayo COVID-19 kuri uyu wa Gatandatu na Police FC, zombi zasuwe ku wa Kane mu gihe Kiyovu Sports yasuwe ndetse ikemererwa ku wa Gatanu.

Gorilla FC yasuwe ku wa Kane, yasabwe gushaka indi nzu ikoreramo umwiherero kuko iyo yari isanzwe ikoreramo itujuje ibisabwa ku buryo yabamo abakinnyi.

Kugeza ubu ntibiramenyekana igihe Shampiyona y’Icyiciro cya Mbere mu Rwanda izasubukurirwa mu gihe tariki ya 15 Mata 2021 yari yavuzwe, yatewe utwatsi na FERWAFA.

Byitezwe ko nigaruka, izakinwa mu matsinda ane kugira ngo ibashe kurangirira igihe.

Ubwo yahagarikwaga mu Ukuboza, yari igeze ku munsi wayo wa gatatu, imikino ine imaze gusubikwa kubera COVID-19 irimo iyari gukinwa n’amakipe ya Rayon Sports na Rutsiro FC icyo gihe yari amaze iminsi mu kato. Indi ine ni iyari gukinwa na APR FC na AS Kigali zari mu mikino Nyafurika.

Marines FC yari ku mwanya wa mbere n’amanota arindwi, ikurikiwe na Musanze FC yari ifite amanota atandatu mu mikino ibiri mu gihe Mukura Victory Sports yari ifite inota rimwe mu mikino itatu.

Musanze FC yasabye ko yakwemererwa gusubukura imyitozo
Sunrise FC na yo yamenyesheje FERWAFA ko yujuje ibisabwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .