Kwamamaza

Musanze FC izakoresha miliyoni 135 mu mwaka utaha wa shampiyona

Yanditswe kuya 26-09-2016 saa 19:17' na Manzi Rema Jules


Musanze FC yateganyije ingengo y’imari ya miliyoni 135 zizayifasha mu guhemba, gutunga abatoza n’abakinnyi ndetse no kubageza ku bibuga ahabereye imikino muri Shampiyona y’umwaka utaha iteganyijwe gutangira tariki ya 14 Ukwakira 2016.

Iyi kipe yarangije ku mwanya wa 14, imbere ya Rwamagana City na AS Muhanga zahise zimanuka mu cyiciro cya kabiri yo ikarokoka byatumye ihita inasezerera uwari umutoza wayo, umugande George Ssemogerere izana Habimana Sosthène na Ndikumana Hamadi Katauti umwungirije.

Mu rwego rwo kwirinda gusubira mu bibazo nk’ibyo yahuye nabyo ubushize birimo n’iby’amikoro byatumye bigera nubwo abakinnyi bivumbura bakava mu mwiherero kubera kudahembwa, ubuyobozi bushya bwatowe bwamaze gutegura amafaranga yose azakenerwa n’aho azava kugira ngo ikipe yitware neza.

Umunyamabanga Mukuru wa Musanze FC, Me Masumbuko Moussa yabwiye IGIHE ko nyuma yo kwicara bakareba ibikenewe byose ngo ikipe igarukane imbaraga ndetse ishimishe abatuye Akarere ka Musanze, basanze bagomba kuzakoresha miliyoni 135 z’amafaranga y’u Rwanda.

Ati “Mu gutegura umwaka utaha twabanje gushaka abakinnyi bashya kuko hari n’abo twatandukanye. Ubu batangiye imyitozo ndetse bari no gukina imikino ya gishuti. Ikindi kwari ukureba amafaranga azakenerwa ari angahe ndetse n’aho azava. Ni miliyoni 135 twasanze zikenewe.”

Masumbuko avuga ko aya mafaranga harimo inkunga y’Akarere ingana na miliyoni 80, hakabamo azava muri Ferwafa ndetse n’andi bazakura mu baterankunga batandukanye.

Muri shampiyona ya 2016/17 izatangira tariki 14 ukwezi gutaha, Musanze FC izatangira isura Kirehe FC yazamutse mu cyiciro cya mbere uyu mwaka, umukino uzabera i Kirehe ku wa 16 Ukwakira 2016.

Musanze FC yahigiye kudasubira mu bihe nk'ibyo yanyuzemo muri Shampiyona ya 2015/2016

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 31 Ukwakira 2016
Copyright © 2009 -2014 - IGIHE Ltd - All Rights Reserved