Mukansanga mu bazakora amahugurwa azabahesha gusifura igikombe cya Afurika cya 2016

Yanditswe na Kanamugire Emmanuel
Kuya 22 Ukwakira 2016 saa 10:14
Yasuwe :
0 0

Mukansanga Salma Rhadia agiye kwitabira amahugurwa y’icyumweru azabera muri Cameroun agamije gutoranya abasifuzi bazayobora imikino ya CAN y’abagore izabera muri iki gihugu mu Ugushyingo 2016.

Salma w’imyaka 27 usazwe asifura mu marushanwa y’abagore atandukanye kuva muri 2007, yatoranyijwe n’Ishyirahamwe ry’umupira w’amaguru muri Afurika mu basifuzi 47 bazitabira amahugurwa ya “CAF Elite A course” azatangira tariki 26 agasoza kuri 30 uku kwezi.

Mu kiganiro na IGIHE, Salma yavuze ko kuba agiye kuba Umunyarwandakazi wa mbere witabiriye aya mahugurwa ndetse binashobotse akaba ashobora gusifura igikombe cy’Afurika ku nshuro ya mbere ari intambwe ikomeye kandi hari icyo bizafasha ku iterambere ry’umupira w’abagore mu gihugu.

Ati “Icyiciro nzaba ngiyemo ni Elite A ari cyo bakuramo abasifura amarushanwa akomeye nk’Igikombe cy’Isi, igikombe cy’Afurika. Ubu barimo gutegura abazasifura CAN y’abagore izaba mu kwezi gutaha muri Cameroun, ndamutse nitwaye neza nanjye nazaba ndimo.”

Aya mahugurwa azitabirwa n’abasifuzi 47 muri Afurika yose bazatoranywamo 10 bo hagati na 12 bo ku ruhande ari na bo bazerekeza muri Cameroun.

Uyu musifuzi usanzwe ari n’umuganga, yatangiye ku rwego mpuzamahanga muri 2012 mu marushanwa arimo amajonjora y’igikombe cy’Isi cy’abari munsi y’imyaka 17, 20 n’abakuru n’amarushanwa akomeye arimo All Africa Games yabereye i Brazzaville mu 2015, ndetse na CECAFA Women challenge 2016 yabereye Uganda mu Kwezi gushize.

Mukansanga agiye kwitabira amahugurwa yo ku rwego rwa Caf
Muri CECAFA, Salma yayoboye umukino wa kimwe cya kabiri
Mukansaga Salma(ufite umupira mu ntoki)

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244