00:00:00 IGIHE NETWORK KN KINYARWANDA EN ENGLISH FR FRANCAIS

Mendy wa Man City akurikiranyweho ibindi byaha bibiri byo gufata ku ngufu

Yanditswe na Eric Tony Ukurikiyimfura
Kuya 16 Ugushyingo 2021 saa 05:06
Yasuwe :
0 0

Myugariro w’Ikipe ya Manchester City yo mu Bwongereza, Benjamin Mendy, akurikiranyweho ibindi byaha bibiri byo gufata ku ngufu, byatumye ibi byaha biba bitandatu.

Mendy usanzwe utuye mu gace ka Prestbury, yahamagajwe n’urukiko rw’i Stockport, aho agomba kurwitaba ku wa Gatatu tariki ya 17 Ugushyingo 2021.

Uyu mukinnyi w’imyaka 27, ubu ufunzwe, kuri ubu akurikiranyweho ibyaha bitandatu byo gufata ku ngufu na kimwe cy’ihohoterwa rishingiye ku gitsina.

Ibyaha akurikiranyweho bifitanye isano n’ibyakorewe ku bakobwa bane bari mu kigero cy’imyaka 16 hagati y’Ukwakira 2020 na Kanama 2021.

Mendy ukomoka mu Bufaransa, akinira Manchester City kuva mu 2017 ubwo yari avuye muri AS Monaco aguzwe miliyoni 52£ ndetse yayifashije kwegukana Premier League mu mwaka ushize.

Yahagaritswe n’ikipe ye nyuma yo gutangira gukurikiranwa na polisi iri gukora iperereza.

Undi mugabo uvugwa muri ibi birego bine ni uwitwa Louis Saha Matturie, bivugwa ko yabigizemo uruhare hagati ya Werurwe 2021 na Kanama 2021.

Matturie w’imyaka 40, akurikiranyweho kandi ibindi birego bibiri byo gufata ku ngufu na kimwe cy’ihohotera rishingiye ku gitsina ndetse yahamagajwe n’urukiko.

Aba bagabo bombi bagomba gutangira kuburana ku wa 24 Mutarama 2022.

Benjamin Mendy akurikiranyweho ibindi birego bibiri byo gufata ku ngufu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .