Kwamamaza

Abanyarwanda bagiye kujya bareba imikino yo mu Bwongereza ku buntu

Yanditswe kuya 25-09-2016 saa 15:08' na Jah d'eau DUKUZE


Umukino wa shampiyona y’u Bwongereza ikipe ya Liverpool yaraye itsinzemo Hull 5-1, ni wo wabimburiye isinzi ry’imikino mpuzamahanga abanyarwanda bagiye kujya bakurikirana kuri za televiziyo zabo ku buntu.

Sosiyete yitwa Econet Media ibinyujije mu muyoboro wa Siporo witwa Kwese Free Sports, yamaze gutangiza gahunda yo kujya yerekana imikino yo ku mugabane w’Uburayi na Amerika nta kiguzi bisabye abayikurikirana(Abonnement).

Nyuma yo kugura 30% bya shampiyona y’u Bwongereza ikunzwe na benshi, iyi sosiyete yatangaje ko izakorana n’amasosiyete yose ya Televiziyo asanzwe akorera mu Rwanda, ikazabasha kujya ihanyuza imikino mpuzamhanga itandukanye, ndetse no mu minsi iri imbere ikazatangira kwerekana ibikorwa bya Siporo byo mu Rwanda.

Cedric Pierre Louis, Umuyobozi mukuru w’agateganyo wa Kwese Free Sports Rwanda, yatangarije itangazamakuru ku ubu buryo buzanywe mu gihugu kuko babizi ko abanyarwanda bose bakunda imikino bityo ko ari byiza kuyibaha nta kiguzi batanze.

Yagize ati "Tuje kuziba icyuho, birazwi ko abanyarwanda benshi bakunda Siporo, turifuza gukora ibyo abandi batigeze bakora mbere, tukabereka imikino itandukanye nta kiguzi, murabizi ko Shampiona y’Abongereza ihenda, ariko buri wa Gatandatu tuzajya tugira umukino twerekana."

Umukino wo mu Bwongereza wabimburiye iyindi kwerekanwa kuri Kwese ku buntu, ni uwo ikipe ya Liverpool yanyagiyemo Hull City ibitego 5-1.James Milner watsinze bibiri, Adam Lalana Philippe Coutinho na Sadio Mane, ni bo bahesheje intsinzi The Reds, byabashyize ku mwanya wa gatatu ku rutonde rw’agateganyo rwa shampiyona y’Abongereza.

Uretse imikino ya Premier League, kuri Kwese Sports abanyarwanda bazagira umwanya wo kubonaho igikombe cy’umwami muri Espagne (Copa del Rei), Shampiona ya Brazil, Shampiona ya Basket yo muri Leta Zunze Ubumwe z’Amerika (NBA), isiganwa ry’amamodoka (Formula 1), ndetse n’ibindi byegeranyo ku mupira w’amaguru tutibagiwe n’imikino y’imbere mu gihugu.

Cedric Pierre-Louis uhagarariye Kwese mu Rwanda ngo ni agashya bazanye mu karere
Abayobozi ba Kwese Free Sports bizeye ko abanyarwanda bazanyurwa n'imikino y'ubuntu
Basketball n'umupira w'amaguru ni bimwe mu bizagaragara kuri iyo chaine y'ubuntu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved