Kylian Mbappé ku isonga ry’abakinnyi bahenze i Burayi

Yanditswe na IGIHE
Kuya 7 Mutarama 2019 saa 08:34
Yasuwe :
0 0

Kylian Mbappé yaje ku isonga ry’abakinnyi bahenze cyane muri shampiyona eshanu zikomeye cyane ku mugabane w’u Burayi ari zo; iy’u Bwongereza, u Bufaransa, Espagne, u Budage n’iy’u Butaliyani.

Uru rutonde rwakozwe na CIES Football Observatory, muri iki gihe cy’igura n’igurisha ry’abakinnyi ku mugabane w’u Burayi, rugaragaza ko Kylian Mbappé ukina muri Paris Saint- Germain, ari we mukinnyi ufite agaciro kanini ku isoko kangana na miliyoni 218.5 z’amayero.

Ku mwanya wa kabiri hari rutahizamu w’Umwongereza, Harry Kane, ufite agaciro ka miliyoni 200.3 z’amayero, agakurikirwa na Neymar Jr, ufite agaciro ka miliyoni 197.1 z’amayero.

Raheem Sterling ukinira Manchester City ari ku mwanya wa Kane n’agaciro ka miliyoni 185.8 z’amayero, Mohamed Salah ukomoka mu Misiri, akaba akinira Liverpool ari ku mwanya wa Gatanu n’agaciro ka miliyoni 184.3 z’amayero.

Paulo Dybala ukinira Juventus ari ku mwanya wa Gatandatu n’agaciro ka miliyoni 171.9 z’amayero, Lionel Messi wa FC Barcelona ku mwanya wa karindwi n’agaciro ka miliyoni 171.2 z’amayero, naho Romelu Lukaku ari ku mwanya wa munani n’agaciro ka miliyoni 162 z’amayero.

Philippe Coutinho wa FC Barcelona ari ku mwanya wa cyenda n’agaciro ka miliyoni 157 z’amayero, naho Leroy Sane akaza ku mwanya wa 10 n’agaciro ka miliyoni 156.1 z’amayero.

Icyatunguranye kuri uru rutonde ni uko Cristiano Ronaldo, atagaragaye mu bakinnyi 10 ba mbere bahenze ku isoko ry’igura n’igurisha ryo muri uku kwezi, kuko ari ku mwanya wa 19 n’agaciro ka miliyoni 127.2 z’amayero.

Kylian Mbappé yaje ku isonga ry’abakinnyi bahenze cyane muri shampiyona eshanu zikomeye cyane ku mugabane w’u Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza