Kwamamaza

Sugira Ernest yafashije AS Vita Club kugera ku mukino wa nyuma

Yanditswe kuya 15-09-2016 saa 17:42' na Manzi Rema Jules


Kiyovu Sports yaje mu irushanwa ryateguwe na AS Kigali itunguwe ndetse itarigeze ibona umwanya wo kwitegura nk’andi makipe ariko ni imwe mu zigaragaje cyane hamwe n’abakinnyi bayo bakiri bato ikaba yanagoye cyane AS Vita Club mu mukino wa 1/2 nubwo umukino warangiye isezerewe ku gitego kimwe ku busa cyatsinzwe na Sugira Ernest.

Iki gitego cya rutahizamu Sugira cyabonetse mu gice cya mbere cy’umukino ku munota wa 25 gusa nyuma y’amakosa b’abakinnyi ba Kiyovu Sports b’inyuma.

Mu buryo bwatunguye abafana batahaga amahirwe iyi kipe ya Kanamugire Aloys yo kuba yagira icyo ikora imbere y’ikipe imenyeranye inasanzwe ikomeye ku mugabane w’Afurika, Kiyovu Sports niyo yatangiye yiharira umukino ndetse mu minota 20 ya mbere yari imaze kubona amahirwe abiri meza yo kuba yabona igitego ariko bayapfusha ubusa.

AS Vita Club yo amahirwe make yabonye, rutahizamu w’umunyarwanda wagiye muri iyi kipe uyu mwaka atanzweho akayabo ka miliyoni 102, Sugira Ernest yahise ayibonera igitego ku mupira yahawe na Atouba Emane cyakurikiwe no gusatira gukomeye kw’iyi kipe ishaka icya kabiri ariko umuzamu wa Kiyovu Sports Bonheur ayibera ibamba.

Abakinnyi ba Vita barimo Junior Boametu na Mthnzi Shikisha bari bazonze hagati ha Kiyovu Sports, bakomeje kugerageze biza kubyara umusaruro ku munota wa 33 babona coup franc nziza hafi gato y’urubuga rw’amahina ariko Sidibe awuteye ujya hanze.

Mbere y’uko igice cya mbere kirangira Kiyovu Sports yongeye kubona amahirwe igera imbere y’izamu ariko myugariro wa AS Vita Club awushyira hanze, bateye koluneli ntiyagira icyo itanga.

Umutoza Kanamugire Aloys yakoze impinduka nyuma y’iminota mike y’igice cya kabiri yinjiza Kanyemera Yves, asimbuye Kurimpundu ,naho Havugarurema Jean Paul asimbura Nyamukwire Yves.

Ako kanya Ibenge na we yahise ahindura abakinnnyi bari mu kibuga akuramo Sidibe yinjiza Traore mu gihe Lusadisu yinjiye asimbuye Atouba Emane wari wanakinnye neza cyane mu minota yamaze mu kibuga.

Kiyovu Sports yirengagije ko irimo guhangana n’ikipe ijya igera mu mikino ya nyuma y’amarushanwa Nyafurika, yihagararaho ikajya inanyuzamo igasatira ishaka kwishyura byatumye n’abafana bayiha amashyi cyane ko yaje mu irushanwa iri mu zidahabwa amahirwe ariko ikigaranzura ibihangange nka Police FC ndetse n’umukeba Rayon Sports.

AS Vita Club igeze ku mukino wa nyuma aho igomba gutegereza ikipe iva hagati ya Rayon Sports na APR FC zizishakamo itwara igikombe cy’iri rushanwa ribaye ku nshuro ya mbere mu gihe ikipe itsindwa hagati y’izi zombi izakina na Kiyovu Sports zishakamo itwara umwanya wa gatatu.

Abakinnyi ba AS Vita Club bishyushya mbere yo gutangira umukino
Sugira Ernest (hagati) wahoze akinira AS Kigali yatsindiye igitego AS Vita Club
Umutoza wa AS Vita Club, Florent Ibenge Ikwange(iburyo) aganira na Kanamugire Aloys wa Kiyovu Sports mbere y'umukino
Abakinnyi ba Kiyovu Sports mu myitozo mbere yo gucakirana na AS Vita Club
Abasifuzi b'umukino bananura imitsi
Umukino watangiye abafana bakiri bake muri Stade

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved