Kwamamaza

Kiyovu Sports ikiri kureshya abakinnyi, yasinyishije Abarundi babiri

Yanditswe kuya 28-09-2016 saa 22:03' na Manzi Rema Jules


Kiyovu Sports yatangiye gahunda yo gukinisha abakiri bato muri uyu mwaka yasinyishije abakinnyi babiri bakomoka mu Burundi bari bamaze iminsi mu igeragezwa mu rwego rwo kongera imbaraga mu ikipe.

Nyuma y’irushanwa rya “AS Kigali Pre-Season Tournament” iyi kipe yitabiriye ikarangiza ari iya kane mu makipe umunani, itsinze mukeba Rayon Sports ndetse na Police FC, byayihaye icyizere ikaba yatangiye kongera imbaraga aho yasanze bitagenda kugira ngo izatangire shampiyona neza.

Minani Hemed usanzwe ari muri Komite y’iyi kipe, yabwiye IGIHE ko basinyishije Mustafa Francis ukina nk’umukinnyi wo hagati wigaragaje neza ubwo yari mu igeragezwa mu irushanwa rya AS Kigali ndetse na Bigirimana Blaise ukina nka rutahizamu wari umaze ibyumweru bibiri mu igeragezwa nawe akaba yaratsinze bose bakaba bahawe amasezerano y’imyaka ibiri.

Ati “Ni abakinnyi beza baje kugira ibyo bongerera bariya bana bandi dufite. Bose bakoze igeragezwa kandi bitwaye neza ku buryo twumva tugiye gushaka nk’abandi banyamahanga babiri ubundi tukongeraho bamwe mu bana nabo bakoze igeragezwa muri ririya rushanwa bitwaye neza ndetse n’abandi bakinnyi beza twabona muri iyi minsi ku buryo tuzatangira shampiyona tugiye guhatana noneho.”

Kiyovu Sports irateganya inama y’inteko rusange tariki 2 Ukwakira 2016, izatorerwamo Komite nshya kuko kuri ubu isa n’idafite ubuyobozi.

Aya matora yagombaga kuba tariki 18 Nzeri ariko inama y’Inteko rusange yitabirwa n’abanyamuryango 12 gusa bituma isubikwa.

Bigirimana Blaise ashyira umukono ku masezerano y'imyaka ibiri
Bigirimana Blaise (ibumoso) na Mustafa Francis wigaragaje mu irushanwa rya AS Kigali
Kiyovu Sports iracyashakisha abandi bakinnyi mu rwego rwo kwiyubaka

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved