00:00:00 IGIHE NETWORK KN KINYARWANDA EN ENGLISH FR FRANCAIS

Kenese na Mutabaruka ku rutonde rw’abakinnyi 28 APR FC yatanze muri CAF

Yanditswe na Eric Tony Ukurikiyimfura
Kuya 17 Kanama 2021 saa 07:18
Yasuwe :
0 0

APR FC yatanze urutonde rw’abakinnyi 28 izifashisha mu mikino Nyafurika ya CAF Champions League mu mwaka w’imikino wa 2021/22, rugaragaraho abanyezamu babiri bakiri bato; Kenese Armel na Mutabaruka Alexandre.

APR FC izahura na Mogadishu City Club mu ijonjora rya mbere rya CAF Champions League rizakinwa hagati ya tariki ya 10 n’iya 19 Nzeri 2021.

Ku wa 15 Kanama ni yo yari itariki ya nyuma yo gutanga urutonde rw’ibanze rw’abakinnyi amakipe azakina Imikino Nyafurika azakoresha mu mwaka w’imikino wa 2021/22.

Mu bakinnyi APR FC yatanze, ntihagaragaramo Mutsinzi Ange kuri ubu uri kubarizwa mu igeragezwa mu Ikipe ya Oud - Heverlee Leuven yo mu Cyiciro cya Mbere mu Bubiligi.

Mutsinzi ukina mu mutima w’ubwugarizi yakiniye APR FC mu myaka ibiri ishize nyuma yo kuva muri Rayon Sports. Yasoje amasezerano ye ku mpera z’umwaka ushize w’imikino, ariko ntiyatangajwe mu bakinnyi bongereye cyangwa abatazakomezanya n’iyi kipe ya gisirikare.

Mu mazina mashya ari kuri rwo rutonde rw’abakinnyi 28 batanzwe muri CAF harimo Nsabimana Aimable, Karera Hassan, Mugisha Bonheur, Kwitonda Alain, Mugisha Gilbert na Nsengiyumva I’rshad, bose baguzwe muri iyi mpeshyi.

Hagaragaraho kandi abanyezamu babiri batakinnye mu mwaka ushize w’imikino, ariko basanzwe muri iyi kipe; Kenese Armel na Mutabaruka Alexandre.

APR FC kimwe n’andi makipe azakina imikino Nyafurika, ishobora gutanga abandi bakinnyi kugeza yujuje 40, ariko abongeweho nyuma bakina ijonjora rikurikiraho.

Urutonde rw’abakinnyi bose APR FC yatanze muri CAF na nimero bazambara:

  1. Kenese Armel (Umunyezamu,1)
  2. Ndayishimiye Dieudonné (2)
  3. Niyomugabo Claude (3)
  4. Nsabimana Aimable (4)
  5. Karera Hassan (5)
  6. Rwabuhihi Aimé Placide (6)
  7. Nizeyimana Djuma (7)
  8. Itangishaka Blaise (8)
  9. Tuyisenge Jacques (9)
  10. Manishimwe Djabel (10)
  11. Mugisha Gilbert (11)
  12. Ngabonziza Gylain (12)
  13. Mutabaruka Alexandre (Umunyezamu,13)
  14. Byiringiro Lague (14)
  15. Mugisha Bonheur (15)
  16. Ahishakiye Héritier (Umunyezamu, 16)
  17. Nshuti Innocent (17)
  18. Buregeya Prince (18)
  19. Kwitonda Alain (21)
  20. Nsanzimfura Keddy (22)
  21. Bizimana Yannick (23)
  22. Nsengiyumva Ir’shad (24)
  23. Omborenga Fitina (25)
  24. Ishimwe Anicet (26)
  25. Ruboneka Bosco(27)
  26. Nshimiyimana Yunusu (28)
  27. Mugunga Yves (29)
  28. Ishimwe Pierre (Umunyezamu, 30)
APR FC izahura na Mogadishu City Club yo muri Somalia mu ijonjora rya mbere rya CAF Champions League
Kenese Armel ni umwe mu banyezamu APR FC izifashisha mu mikino ya CAF
Mutabaruka Alexandre na we yatanzwe kuri uru rutonde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .