Kwamamaza

Kanyankore na Nshimiyimana basezerewe mu Mavubi nyuma y’iminsi ine bahawe inshingano

Yanditswe kuya 23-08-2016 saa 10:49' na IGIHE


Kanyankore Gilbert Yaoundé ndetse na Eric Nshimiyimana baherutse guhabwa inshingano zo gutoza Amavubi mu gihe cy’inzibacyuho bamaze guhagarikwa.

Aba batoza bombi bari bamaze iminsi ibiri bahamagaye abakinnyi bazifashishwa ku mukino wa nyuma wo mu itsinda H u Rwanda ruzahura na Ghana mu guhatanira itike yo kujya mu gikombe cya Afurika kizabera muri Gabon 2017 .

Mu kiganiro IGIHE yagiranye na Kanyankore usanzwe utoza APR FC, yatangaje ko muri iki gitondo aribwo bamenyeshejwe ko batakiri abatoza b’Ikipe y’Igihugu gusa ngo nta bisobanuro birambuye bahawe.

Ati " Nibyo badusezereye. Babitubwiye mu gitondo ariko natwe ntabwo tuzi impamvu. Umunyamabanga Uhoraho muri Minisiteri ya Siporo n’Umuco niwe watumenyesheje ko duhagaritswe ariko nta bisobanuro yaduhaye. Nahagarikanywe na Eric [Nshimiyimana], sitwe gusa ahubwo hari n’abandi bashobora kuza guhagarikwa."

Yakomeje agira ati “ Mu minsi twari tumaze duhawe iyi kipe nta kibazo na kimwe twagiranye na Minisiteri ya Siporo n’Umuco ndetse na Ferwafa. Mu by’ukuri twatunguwe n’icyemezo cyo kuduhagarika.”

Ku bijyanye na Jimmy Mulisa nawe wari umutoza wungirije , Kanyankore yatangaje ko we atigeze ahagarikwa.

Yagize ati “ Umutoza Jimmy Mulisa we ntabwo yigeze ahagarikwa, kuko asanzwe afite amasezerano na MINISPOC ariko twe nta masezerano twari dufite.”

Kanyankore Gilbert Yaoundé w’imyaka 62 yahawe inshingano zo gutoza ikipe y’igihugu, Amavubi nyuma yuko uwari umutoza mukuru Johnny McKinstry yari amaze kwirukanwa.

Mu bo bari bafatanyije barimo umutoza Eric Nshimiyimana wari umwungirije bombi basezerewe, na Jimmy Mulisa ndetse na Ibrahim Mugisha utoza abanyezamu.

Izi mpinduka zibaye mu gihe habura iminsi mike u Rwanda rugacakirana na Ghana, i Accra kuya 3 Nzeli bishobora kubera ihurizo rikomeye umutoza uri buhabwe iyi kipe kwitegura uyu mukino w’ikipe y’igihangange ku mugabane wa Afurika.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved