Kwamamaza

Kanombe wamamaye muri Rayon Sports yerekeje muri AS Port yo muri Djibouti

Yanditswe kuya 28-08-2016 saa 11:46' na Manzi Rema Jules


Mu gihe isoko ryo kugura no kugurisha abakinnyi rikomeje, babiri bakinaga mu Rwanda barimo Umurundi Kabura Muhamed wa AS Kigali n’umugande Moustapha Kasolo wa Musanze bari kumwe na Hategekimana Afrodis ’Kanombe’ wakiniraga Sophapaka muri Kenya, berekeje muri Djibouti mu Ikipe ya AS Port.

Aba bakinnyi batatu bagomba guhaguruka mu Rwanda kuri iki Cyumweru tariki 28 Kanama 2016, bahisemo kujya muri iyi kipe nyuma yo kubereka umushinga ifite ushobora no gutuma iba ikipe ihanganira ibikombe muri CECAFA mu gihe cya vuba kandi n’amafaranga bifuzaga yemera kuyabaha nk’uko IGIHE yabitangarijwe na Kanombe.

Yagize ati “Tugiye muri Djibouti mu ikipe ya AS Port. Ni ikipe nigeze gukinamo muri 2011 ariko bakomeje kunkurikirana bitewe n’uburyo twabanye neza. Nyuma y’aho tugiriye ibibazo by’amikoro muri Sophapaka nakinagamo muri Kenya, iyi kipe yahise impamagara njyayo banyereka gahunda bafite yo kubaka ikipe ikomeye nibura ihangana muri CECAFA mbona ni umushinga mwiza mbemerera gusubirayo nta kibazo.”

Yakomeje agira ati “Ariko nkimara kubona abakinnyi bafite nabasabye ko hagira abandi mvana nabo mu Rwanda barabinyemerera ndaza mpitamo aba bakinnyi tujyanye kandi ni abakinnyi beza nizeye. Na komite yari imaze iminsi mu Rwanda yaraje kurangizanya nabo, yasubiyeyo mu ijoro ryakeye natwe turagenda mu ijoro ryo kuri iki Cyumweru tujye kwitegura.”

Muri AS Port ifite ibikombe bitatu bya shampiyona ya Djibouti na bitanu by’igihugu ngo aba bakinnyi bose basinye amasezerano y’imyaka ibiri basanzeyo undi Munyarwanda.

Kanombe avuga ko bitewe n’ubuzima bubi umuryango we wabayemo mu Rwanda ubwo Sophapaka yagiraga ibibazo by’amikoro bigatuma n’umuyobozi wayo ahunga arayita bamara amezi atatu bakina badahembwa, yasabye AS Port kumureka akajyana n’umuryango we, umugore n’umwana kugira ngo ajye amenya uko bameze umunsi ku munsi akaba agiye kubategurira imibereho nyuma akazagaruka kubareba muri Mutarama.

Kanombe yakiniye Rayon Sports imyaka myinshi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved