Kwamamaza

Jimmy Mulisa yasoje amasomo y’ubutoza mu Budage ahakura impamyabushobozi

Yanditswe kuya 25-09-2016 saa 13:35' na Manzi Rema Jules


Umutoza wungirije w’ikipe y’igihugu y’u Rwanda, Jimmy Mulisa, yasoje amahugurwa y’ibyumweru bitatu yari ari gukorera mu Budage ahabwa impamyabushobozi y’icyiciro B (UEFA B Level) mu butoza, ahamya ko bizamufasha guteza imbere ruhago Nyarwanda.

Aya mahugurwa yatangiye tariki ya 5 kugeza ku ya 23 Nzeri 2016 yaberaga mu mujyi wa Hennef mu Budage.

Jimmy Mulisa usanzwe ari n’umuyobozi wungirije mu bya tekinike mu ikipe y’igihugu Amavuni, yabwiye IGIHE ko muri ibi byumweru bitatu we na bagenzi be bungutse ubundi bumenyi bwiyongera ku byo bari basanzwe bazi ndetse ngo abona by’umwihariko hari icyo bigiye kongera ku byo yakoraga.

Ati “ Yari amahugurwa meza kandi twahungukiye byinshi. Akazi ko gutoza gasaba guhora wiga buri munsi; kwigira ahantu nk’aha umupira waho wateye imbere ku Isi, bafite amashuri akomeye cyane yigisha abana umupira bifungura umuntu kurushaho.”

Yakomeje agira ati“Mu gihe tumaze, uretse amahugurwa twahabwaga, twagize n’umwanya wo kujya gusura amwe mu mashuri y’abana akomeye cyane nka Hoffenheim ndetse tureba imikino ya shampiyona itandukanye. Hari ibyo bakora twazana iwacu kandi bigafasha kuzamura umupira.”

Mulisa wari umutoza mukuru w’Amavubi ubwo yanganyaga na Ghana iwayo igitego 1-1 tariki 3 Nzeri mu gushaka itike y’igikombe cya Afurika cya 2017, ashobora kuzongera akaba umutoza wungirije kuko Perezida wa Ferwafa, Nzamwita Vincent de Gaulle yatangaje ko bari mu biganiro n’ishyirahamwe ry’umupira w’amaguru mu Budage kugira ngo rishakire u Rwanda undi mutoza uzaza gusimbura Jonathan Mckinstry wirukanwe mu kwezi gushize.

Muri iki gihugu, si Jimmy Mulisa ubaye Umunyarwanda wa mbere uhaboneye amahugurwa kuko hanyuze abatoza bakomeye mu Rwanda nka Grace Nyinawumuntu utoza Amavubi y’abagore na AS Kigali, Mashami Vincent utoza Bugesera FC, Seninga Innocent utoza Police FC, Thierry Hitimana na André Cassa Mbungo.

Jimmy Mulisa (uwa gatatu ibumoso) ashyikirizwa impamyabushobozi ya UEFA B
Jimmy Mulisa yahawe impamyabushobozi y'icyiciro B mu butoza
Amahugurwa Jimmy Mulisa abonye ngo azamufasha mu kuzamura umupira w'amaguru mu Rwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved